Өткен апта соңында “АМАНАТ” партиясының “Өзгерістер жолы: Әр азаматқа лайықты өмір!” атты сайлауалды бағдарламасының аясында Семей қалалық филиалының аумақтық даму жөніндегі қоғамдық кеңесінің отырысы өтті.
Жиын барысында күн тәртібіне қойылған екі сұрақ қаралды. Нақтырақ айтсақ, «Кәсіпкерлерді қолдаймыз – «ҚазАгро» АҚ-ның қаржы институттары арқылы ауыл шаруашылығы тауарларын өндірушілерге субсидиялау және жеңілдетілген несиелеу түрінде мемлекеттік қолдау көрсету мәселесі бойынша Семей қаласының ауыл шаруашылығы бөлімі басшысы Нұрлан Шақабаев хабарлама жасады. Бөлім басшысы “ҚазАгро” АҚ қаржы институттары арқылы жеңілдетілген несиелендіру туралы халық арасында түсіндіру жұмыстарын күшейту, ауылдық округтер және басқа да мүдделі тұлғалармен бірлесіп, ауылшаруашылық тауарларын өндірушілерге субсидия түрінде мемлекеттік қолдау көрсету жобаларының іске асырылуы жайлы айтты.
Бөлім басшысына аталмыш мәселелерді жүзеге асыру бойынша кешенді шаралар қабылдау және “Аманат” партиясы филиалына жарты жылда бір рет жұмыс нәтижелері туралы хабарлау тапсырылды.
Аталған жиында сонымен қатар қалалық әкімдіктің мәдениет және тілдерді дамыту бөліміне Приречный ауылдық округінің әкімімен және Шығыс Қазақстан облысының құрылыс бөлімімен бірлесіп, Приречное ауылындағы мәдениет үйін қайта жаңғырту жұмысының нәтижелері туралы «АМАНАТ» партиясы филиалына 2022 жылдың 1 тамызына дейін хабарлау міндеттелді.
Сонымен қатар, жиын барысында айтылғандай, партия кураторы Ж.Рахымғалиевқа аталмыш міндеттердің орындалуын бақылауға алып, берілген бағыт бойынша жүргізілген мониторинг нәтижелерін тоқсан сайын, әр айдың бесіне дейін «АМАНАТ» партиясы филиалына хабарлап отыру тапсырылды.
Динара НҰРЛЫБЕКҚЫЗЫ,
«Семей таңы»