Аймағымыздағы қалалар мен аудандар, тіпті шалғайдағы ауылдарға дейін соңғы жылдары көгалдандырылу үстінде. Биылғы жылы да елді мекендерде ағаштар мен гүлзарлар отырғызу жұмыстары белсенді жүргізілмек.
Бұл жайлы облыс әкімдігінде қалалар мен аудандар әкімдерінің қатысуымен өткен кеңес барысында айтылды.
Жиында айтылғандай, жалпы, өңір бойынша миллионға жуық ағаш отырғызылады деп күтілуде. Облыс әкімі Даниал Ахметовтің тапсырмасымен аймағымыздағы ең ірі екі қала — Өскемен мен Семейде биыл 30 мыңнан, Риддер мен Алтай қалаларында 15 мыңнан көшет отырғызу жоспарланып отыр.
— Облысты көгалдандыру жұмыстарына тек коммуналдық қызметтер ғана емес, тұрғындар да атсалысуы қажет деп санаймын. Коммуналдық қызметтер тас жолдар бойларына, алаңдар мен саябақтарға, көше бойына, ал жұртшылық өз аулаларына ағаш ексін, — деді ШҚО әкімі Даниал Ахметов.
Әлібек КЕМЕЛХАН,
«Семей таңы»
