Отағасы қызын баламалы медицина арқылы дертінен сауықтырмақ болғанымен, ақыры қомақты қаржысынан айырылды.
Ағымдағы жылдың мамыр айының басында Семей қаласының Әуезов атындағы ӨБ «102» жедел арнасына 42 жастағы қала тұрғыны жүгінген. Ол 2017 жылдың көктемінде белгісіз әйел қызын аурудан сауықтырамыз деген желеумен 210 000 теңге қаражатты иемденіп алғанын айтты.
— Анықталғандай, жәбірленуші жәбірленушінің «емдік қабілеті» туралы естіп, қызын тері ауруынан сауықтыруды өтініп, оған жүгінуді шешкен. Алайда «емшінің» әрекетінен еш нәтиже болмаған соң ол полицияға арызданған», — деп хабарлады ШҚО ДП баспасөз қызметі.
Криминалдық полиция қызметкерлері 61 жастағы күдіктіні ұстады, оған қатысты келуге міндеттеу түріндегі процессуалдық мәжбүрлеу шарасы таңдалды.
Жауап алу кезінде ұсталған азамат кінәсін мойындады. Ұрланған қаражат тәркіленді.
Аталған факті бойынша сотқа дейінгі тергеу амалдары басталды. 190 Қазақстан Республикасы Қылмыстық кодексінің 1-бөлігі – «Алаяқтық». Баптың санкциясында 2 жылға дейін бас бостандығынан айыру түріндегі жаза қарастырылған.
