Семей қаласының әкімі Бақытжан Байахметов жол-құрылыс жұмыстары аяқталған Пархоменко көшесінің тұрғындарымен кездесті.
Мұнда Қаржаубайұлы көшесіндегі негізгі көлік ағынын жеңілдету мақсатында асфальт төселіп, орташа жөндеу жұмыстары жүргізілді:
Тұрғындармен кездесу барысында жоспарға тағы бірнеше жобаны, соның ішінде Нұрбаев, Сроственнская, Деповская көшелерінде жөндеу жұмыстарын жүргізу туралы шешім қабылданды. Тұрғындардың айтуынша, аталған көшеде аялдама павильондары орнатылмаған, сондай-ақ тротуарлардың жағдайы, қоғамдық көліктің жұмысы да назар аударуды талап етеді.
Қала тұрғындары сонымен қатар №3 жалпы білім беретін мектеп аумағында балалар спорт алаңын орнатуды сұрады. Бақытжан Байахметов ТҮКШ бөліміне барлық өтініш-тілектерді қарастыруды тапсырды.
Қала басшысы сонымен қатар Сәтбаев көшесінде (2-ші Загородняя көшесінен Омбы — Майқапшағай автомобиль жолына дейінгі ұзындығы 3 шақырымды құрайтын жолда) жүргізіліп жатқан жөндеу жұмыстарын көріп қайтты. Жөндеу жұмыстары шамамен ағымдағы жылдың маусым айының соңында аяқталады деп жоспарлануда.
Ерлан АЙҚЫНҰЛЫ,
«Семей таңы»
