Семей қаласының әкімі Бақытжан Байахметовтің шаһар тұрғындарымен кездесулері жалғасуда. Өткен аптада қала басшысы Энергетик шағын ауданының тұрғындарымен кездесті.
Жергілікті тұрғындар шағын ауданның басты мәселелерінің бірі — жолдардың жағдайы туралы сөз қозғады.
Бақытжан Байахметовтің айтуынша, аталған аудандағы кварталаралық жолдарды жөндеу жұмыстары алдағы жұмыс жоспары аясында жүзеге асырылады. Кездесуде жолаушылар көлігі және автомобиль жолдары бөлімінің мамандары ауданның сызбасымен таныстырып, биылғы жылы қай көшелерде жөндеу жұмыстары жүргізілетінінен хабардар етті. Нақтырақ айта кетсек, қазіргі күні Сеченов көшесінде жөндеу жұмыстары басталған, жолды тегістеу үшін құм-қиыршық тас қоспасы себіліп жатыр.
Аудан тұрғындары жарықтандыру мәселесін көтерді, сонымен қатар шағын ауданда автотұрақтар жоқ және жолды кеңейту мақсатында аялдама павильонын ауыстыру қажет.
Қала әкімі жол жөндеу жұмыстары аяқталғаннан кейін автотұрақтарға жарық беріліп, барлық қажетті шектеу белгілері орнатылатынын жеткізді. Әкім жөндеу жұмыстары аяқталғаннан кейін жолды кеңейту мәселесін қарастыруға уәде берді.
Тұрғындар сондай-ақ балалар спорт алаңдарының жоқтығын айтып шағымданды. Қала басшысы балалар спорт алаңын (футбол алаңы, балалар алаңы, спорт алаңы) орнату ағымдағы жылдың жұмыс жоспарына енгізілетінін айтты.
№№1, 2 және 3 үйлердің тұрғындары жиі болатын апаттарға байланысты қыста үйлерінде өте суық екенін айтып, жылыту мәселелерін шешуге көмек көрсетуді сұрады. Қала әкімі бұл үйлерде қосымша жылу желілері қосылып, алдағы жылыту маусымында жылы болатынын айтты.
Кедесуде сонымен қатар кішкентай балалардың қауіпсіздігі туралы да сұрақтар болды. Белгілі болғандай, Энергетик ауданында темір дуалмен қоршалған ғимарат бар, оның жанында балалар ойнайды. Ата-аналар қауіпті қоршауларды алып тастауды сұрады. Бақытжан Байахметов өзінің орынбасарына осы үй-жайдың кімге тиесілі екенін анықтап, заңға сәйкес осы мәселені шешуді тапсырды.
Тұрғындар қазандық жанындағы №7 үйдің жанында балалар ойын алаңына қоршау орнатуды сұрады. Қала басшысы тұрғын үй-коммуналдық шаруашылық бөліміне осы мәселені шешуге тапсырма берді.
Жоғарыда айтылғандардан басқа, пәтер иелерінің кооперативі жұмысына шағымдар көп болды. Бақытжан Байахметов ТҮКШ бөліміне осы кооперативтердің жұмысын жақсарту мүмкіндіктерін қарастыруды тапсырды.
Анар АХМЕТҚАЛИЕВА,
«Семей таңы»
