Семей қаласының әкімі Бақытжан Байахметов өткен аптаның соңында шаһардағы бірқатар жылумен қамту нысандарында болып, жөндеу жұмыстарының барысын көріп қайтты.
«Привокзальная» қазандығы Чехов көшесі, 94/2 мекенжайы бойынша орналасқан.
Мердігердің жөндеу жұмыстары бірнеше күннен кейін басталып, бірінші қыркүйекке дейін аяқталуы тиіс. Әзірге кәсіпорын КСТ-1,0 ст. № 1, 2, 3 қазандықтарын, газ құбырларын, түтін құбыры мен «боровты» тазалау жұмыстарын өз күшітермен жүргізуде.
Сондай-ақ №1, 2, 3 ст. КСТ-1,0 қазандықтарын қаптау, қазандық цехын, қосалқы үй-жайларды жөндеу, кірпіш қазандық бөлімшесінің қабырғаларын және қазандық ғимаратының шатырын жөндеу жұмыстары жүргізілуде.
Ал «ВИРП» қазандығы Набережная көшесі, 8 мекенжайы бойынша орналасқан. Аталған қазандықта КМ 90/55 маркалы желілік сорғыны №3 КМ 150-125-250 маркалы сорғыға ауыстыру қажет.
Қазіргі таңда кәсіпорынның өз күшімен ст.№1, 2, 3, 4 КСТ қазандықтарын қаптау, үрлеу желдеткіштері мен коммутациялық аппаратураны ауыстыру, желілік сорғылар мен коммутациялық аппаратураны тексеру, КСТ қазандықтарының оттығын жөндеу №1, 2, 3,4 ст., қазандық цехын және қосалқы үй-жайларды жөндеу жұмыстары жүргізілуде. Жөндеу жұмыстарын қыркүйек айының басына дейін аяқтау жоспарланған.
«Тубдиспансер» қазандығы Тұқтабаев көшесі, 56 мекенжайы бойынша орналасқан.
Кәсіпорын өз күштерімен қазандықтардың экрандық құбырларын жөндеу, тиек арматурасын тексеру, түтін сорғыларын, газ жолдарын, бункерлерді, қазандықтардың циклондарын, Гефест 2,5-95 ШП №1, 2, 3 қазандықтарын жөндеу жұмыстарын жүргізеді. Күл шығару жүйесінің жабдықтарын тексеру (арбаны жөндеу, арқан сымды ауыстыру), аккумуляторлық сыйымдылықты, К100-80-160 желілік сорғыларды жөндеу және газ жүретін пештерді тазалау жұмыстары жүргізілуде. Жұмыстар тамыз айының ортасына дейін аяқталмақ.
Жылу шығынын азайту үшін қазандықтарды техникалық жабдықтау және белгіленген қуатты қалыпқа келтіру мәселелерін шешу қажет.
Айта кетейік, қазіргі күндері Семей қаласында 16 қазандық бар. Олардың барлығындағы жылу маусымына дайындық жұмыстары қала әкімінің назарында тұр.
Ерлан АЙҚЫНҰЛЫ,
«Семей таңы»
