Президент бүгін: «Жалпы, денсаулық сақтау саласы туралы айтар болсақ, мұнда түйткілді мәселелер көп»,- деген екен!
Түйткілді мәселелер шешілмейді, өйткені үлкен үш мақсат жоқ:
- Сапалы қызмет ететін кадрлардың проблемасы шешілмеді, өкінішке орай, денсаулық саласында жақсы қызмет ететіндерге жол жоқ, ескі сарынмен ананың, мынаның айтқанымен, тамыр-таныспен тағайындалулар жүріп жатыр, сондықтан талантты жастар мен тәжірибелі мамандар бармайды!
- Денсаулық саласы бойынша терең зерделеніп барып анықталған үш мерзімді (қысқа, орташа, ұзақ) стратегия жоқ. Қанша қаражат бөлінсе де жетпейді дейді, ол рас, өйткені медициналық инновациялық ғылым мен бизнестің серіктестіктегі өндірісі жоқ, барлығы қымбатқа шет елден алынады!
- Ана, бала өлімі және басқа сырқаттардан, жарақаттардан мүгедіктік өлім жоғары, өйткені халықаралық стандарттар жоқ дейді, ол өзінен-өзі кадр мәселесіне келіп тіреледі, егер халықаралық деңгейде істемесе, шетелдік озық денсаулық сақтауды ұйымдастыруды білмесе, халықаралық стандарттарды қайдан енгізсін! Яғни цифрлы денсаулық жүйесін және ұйымдастыруды толыққанды шешу қажет!
Ол үшін ұлттық денсаулық сақтаудың үлкен стратегиясын кабинеттерде отырып емес, рас жаны ашитын мамандарды тарта отырып жасап, талқылап, бекітіп, сонымен жұмыс істеу қажет деп ойлаймын!
Ерсін ЖҮНІСОВ,
медицина ғылымының докторы, профессор
(«Фейсбук» әлеуметтік желісіндегі жеке парақшасынан алынды)
