Өткен аптада қала әкімі Нұрбол Нұрсағатов Шақаман, Достық, Прииртыш және Мұқыр ауылдарына жұмыс сапарымен барды.
Шаһар басшысы Шақаман ауылында мектеп пен су құбыры желілері құрылысының барысын тексерді. Тексеру барысында су құбыры желілерінің құрылысынан олқылықтар анықталды. Құрылыс жұмыстары бекітілген кестеден артта қалуда. Осыған орай Нұрбол Төлегенұлы жауапты қызметкерлерге тиісті шаралар қабылдауды тапсырды.
Сонымен қатар қала әкімінің Шығыс, Водный, Восход кенттерінің тұрғындарымен кездесуі кезінде жол қауіпсіздік мәселесі туралы шағымдар көп болған еді. Осы ретте қала әкімі жауапты бөлім басшысына Водный кентіндегі «Протока» аялдамасы жанына Полиция басқармасымен бірлесіп жол учаскесінде жаяу жүргіншілер өткелін және қозғалыс жылдамдығын 40 км/сағ дейін шектеу жол белгілерін орнату мәселесін пысықтауды тапсырды.
14 Водный ауданында қала басшысы еріген қар және жаңбыр суларының кедергісіз ағып өтуі үшін арықты тазарту керектігін айтып, өткелді жүргіншілерге ыңғайластыруды, айналасына жөндеу жүргізуді тапсырды.
Қала әкімі тұрғындар шағымы назарында болатынын айтып, жағдайды толық бақылауында ұстауға уәде етті.
Өз тілшіміз
