"Семей таңы" газеті
ztlogo
  • Жаңалықтар
    • Саясат
    • Мәдениет
    • Қоғам
    • Қылмыс
    • Спорт
    • Экономика
    • Жаһан
    • Көзқарас
  • Мультимедиа
    • Видео
    • Фото
  • Төртінші билік
Нәтиже табылмады
Барлық нәтижені қарау
PDF нұсқа
ztlogo
  • Жаңалықтар
    • Саясат
    • Мәдениет
    • Қоғам
    • Қылмыс
    • Спорт
    • Экономика
    • Жаһан
    • Көзқарас
  • Мультимедиа
    • Видео
    • Фото
  • Төртінші билік
Нәтиже табылмады
Барлық нәтижені қарау
"Семей таңы" газеті
PDF
Нәтиже табылмады
Барлық нәтижені қарау

АЙМАҚ БАСШЫСЫ ТАРБАҒАТАЙДА

08.09.2014
АЙМАҚ БАСШЫСЫ ТАРБАҒАТАЙДА

Шығыс Қазақстан облысының әкімі Бердібек Сапарбаев жұмыс сапарымен Тарбағатай ауданында болды. Өңір басшысын аудан әкімі Д.Оразбаев, басқа да лауазымды тұлғалар қарсы алды. Аудандағы атқарылған жұмыстармен танысуды ең алдымен осындағы іргелі өндіріс орындарының бірі — Семей ет комбинаты ЖШС-ның Ақсуат қасапханасын аралаудан басталды. Мұндағы     атқарылып жатқан жұмыстарды қасапхана директоры Азамат       Асқарбаев таныстырды. Қасапханананың негізгі қызметі — мал сойып, ет өндіріп, тоңазытып, тиісті орындарға жөнелтіп отыру. Бір ауысымда 1500 қой, 150 бас ірі қара малын союға арналған бұл кәсіпорын көп жылдар бойы тоқырап, жұмыссыз тұрып қалған болатын.

Аудан әкімі Д. Оразбаевтың тікелей араласуымен қайта іске қосылған қасапханада бұл күндері 32 адам жұмыс істейді екен. Тәулігіне 35-40 бас ірі қара малы сойылады. Қасапхана жұмысымен егжей-тегжейлі танысқан Бердібек Мәшбекұлы мұндағы баға мәселесіне назар аударып, жеке адамдардан мал етін сатып алуда олқылық орын алып отырғанын атап көрсетті. Тұрғындардан әр келі етті 750 теңгеден сатып алу тым арзан, қарапайым халыққа зиян екенін ескертті. Бұл мәселе туралы іс басында жүрген азаматтарға мәселені тиісінше     нақты шешуге тапсырма жүктеді.

Облыс басшысы бұдан соң Ақсуат ауылының орталығындағы алаңға келіп, алдыңғы толқын бір топ ақсақалдармен кездесті.  Мұндағы әңгіме ауылдың гүлденуі мен көркеюі, елдің еңсесін көтеретін еңбекшілдік, қолда бар мүмкіндіктерді тиімді пайдалану мәселелерінен басталды.

 

{jcomments on}- Тарбағатай ауданының болашағы мал шаруашылығына байланысты. Оны дамытпай болмайды,- деп сөз бастаған Бердібек Мәшбекұлы жері кең, суы мол Тарбағатай ауданының азық-түлікпен өзін-өзі қамтамасыз етуі керек екенін атап өтті. Мал шаруашылығын дамыту үшін оның тұқымын асылдандырып, жемшөп қорын молайтып, одан алынатын өнімдердің өңделуін жолға қойған жөн. Картоп, басқа да бақша дақылдары көбірек өсіріле бастаған бұл жерде сарымсақ өсірсе, жақсы шығатын болар деген өңір басшысының сауалына ақсақалдар еге білсе Тарбағатай жерінде жеміс атаулының бәрі де шығатынын және де өнімді мол беретінін, оның өзі осы өңір топырағының құнарына байланысты екенін айтты. Бұл аймақтағы өндіріске енді ғана әкелініп, іске қосыла бастаған егістікті тамшылатып суарудың тиімділігі туралы да айтылды.  Жер мен суды тиімді пайдалану тәжірибелері туралы айта келіп, облыс әкімі Семей қаласына таяу жерде өз бизнесін дамытып, кәсіппен шұғылданатын Мұхит Тұмабаевтың ауқымды жерді кәдеге асырып, тиімді пайдаланып отырғанын мысалға келтірді. Ауыл еңбекшілерінің еңбек және тұрмыс жағдайы, кәсіпкерлікті өркендетіп, еңбектің зая кетпеуі жайлы сөз болғанда өңір басшысы барды бағалай білудің қажеттігіне тоқталды. Мал сою цехтарын тиімді пайдалану ерекшеліктерін айта келе, Бердібек Мәшбекұлы ауыл тұрғындарының маңдай терімен, еңбегімен өсірілген төрт түлік малды басқа өңірлерден келген алыпсатарлардың арзан бағамен алып кетуіне тосқауыл жасаудың қажеттігін де ескертті. Аудан орталықтарында ғана емес, Өскеменде, басқа да ірі қалаларда жәрмеңкелер ұйымдастырудағы басты мақсат қарапайым шаруалардың өздері еңбекпен өсірген мал өнімдерін өз қолдарымен жақсы бағаға саудалауын, содан тиісті пайда табуын көздеген шара екені де айтылды.

 

Осы кездесуде әңгімеге араласқан қарт журналист Мейрам Оралов отыз жылдан бері жылқы асырайтынын, бие байлап, қымыз ашытатынын айта келіп, Ақсуатта мал өсірудің қиындай түскенін, оның себебі ауыл төңірегінде мал жайылымының тарылып кетуі екендігін мәселе етіп қойды. Маңайдағы жердің бәрі сатылып кеткен, қора салып, қоршап алып жатыр. Осыны тоқтатуға бола ма деген журналистің сауалына облыс әкімі: «Тоқтатуға болады. Қазір біз жер иелерінің жерді қалай пайдаланып отырғанын тексеріп жатырмыз. Оның бәрін зерттеп, заңмен реттейміз» деп жауап берді.  Сонымен қатар, облыс әкімі ауыл төңірегіне малды топтастыра бермей, ұйымдасып, малды жинап, оны алыстағы кең өрістерге апарып бағудың артықшылығын да ескертті. Бердібек Мәшбекұлы тиімді жұмыс істеудің жолын таба білу керектігін айтып, мысал ретінде Саржал ауылының қымызы  Астанада сатылып жатқанын атап өтті. Сонымен қатар, құм басқан Арал ауданында түйе өсірудің жақсы жолға қойылғанын мысалға келтіріп, Тарабағатай ауданында да түйе шаруашылығын дамытып,  шет елдіктер мойындаған шұбат дайындау кәсібін бұрынғы қалпына келтіру қажеттігін де еске салды.

Бұдан кейін облыс басшысы Қарасу ауылында болып, осында жаңадан салынып, бірінші қыркүйекте пайдалануға берілген мектептің лентасын қиды, ұстаздар мен мектеп шәкірттерін жаңа оқу жылымен құттықтады.

Жетіарал ауылына келгенде      Б.Сапарбаев «Даму» шаруа қожалығының егістігін аралады. Қожалық басшысы С. Жапаров егін егіп, мал өсіріп, құс шаруашылығын да жолға қойғалы отырғанынан аймақ басшысын хабардар етті. «Толғанай» шаруашылығының жетекшісі Рамазан   Ерболат  Ақжардан жылыжай ашып, 40 гектар жерге картоп еккенін,      субсидия алып, еңбегінің жанғанын мәлімдеді.

Бердібек Мәшбекұлы Жетіаралдағы жаңадан салынған емхананың, Ақжардағы орталық алаңнан бой көтерген Бәйтеректің ашылу салтанатына қатысып, Жетіаралдағы бас дәрігер Рахат Қажиакпероваға жедел жәрдем көлігін, Жетіарал орта мектебінің директоры Бақыт Алдауышевқа  балаларды мектепке жеткізу үшін пайдаланатын жеңіл көліктің кілтін тапсырды. Ақжардағы ардагерлер орталығында болып, ауыл қарияларымен пікірлесті. Аймақ басшысы Тұғыл ауылындағы мәдениет үйінде көпшілік бас қосқан жиынға қатысып, ауыл тұрғындарының сұрақтарына тұщымды жауап қайтарды. Балықшыларды да, басқаларды да толғандырып жүрген проблемалардың рет-ретімен шешімін тауып отырғаны жиынға қатысқандардың көңіл-күйінен айқын аңғарылып тұрды.

Облыс басшысы бұл жолғы сапарында Ақжардағы ауданаралық туберкулезге қарсы ауруханаға, «Рыбаки Зайсана» өндірістік кооперативіне барып, ондағы жұмыс жағдайларымен танысуға да уақыт тапты.

Хамза СӘТИЕВ,

«Семей таңы»

Ұқсас жаңалықтар

Өтініш беруден проактивтілікке: мемлекеттік қызмет алушылардың құқықтарын қорғаудың жаңа тәсілі

17.11.2026
Өтініш беруден проактивтілікке: мемлекеттік қызмет алушылардың құқықтарын қорғаудың жаңа тәсілі

Қазіргі мемлекеттік қызмет жүйесі өзінің жұмыс философиясын біртіндеп өзгертіп келеді. Мемлекеттің басты назарында мемлекеттік қызмет көрсету процесінің өзі емес, адам,...

Толығырақ...Details

Көлік және логистика: Қазақстанның экономикалық дамуына жаңа серпін беретін бағыт

17.11.2026
Көлік және логистика: Қазақстанның экономикалық дамуына жаңа серпін беретін бағыт

Қазақстанның экономикалық әлеуетін арттыруда көлік және логистика саласының маңызы ерекше. Президент Қасым-Жомарт Тоқаевтың Жолдауында айқындалған инфрақұрылымды жаңғырту, экономиканы әртараптандыру және...

Толығырақ...Details

Кінәсіздік презумпциясы – адам құқықтарын қорғаудың маңызды кепілі

17.11.2026
Кінәсіздік презумпциясы – адам құқықтарын қорғаудың маңызды кепілі

Адамның құқықтары мен бостандықтарын қорғау, заңдылық пен әділеттілікті қамтамасыз ету құқықтық мемлекеттің басты қағидаттарының бірі. Қазақстан Республикасының Конституциясында әр адамның...

Толығырақ...Details

Қазақстан Халық Кеңесінде білім беру, ғылым және адами капиталды дамыту жөніндегі бастамалар қаралды

17.11.2026
Қазақстан Халық Кеңесінде білім беру, ғылым және адами капиталды дамыту жөніндегі бастамалар қаралды

Қазақстан Халық Кеңесі Қоғамдық бастамаларды дамыту комитетінің төрағасы Вера Кимнің төрағалығымен Білім беру және адами капитал мәселелері жөніндегі салалық комиссияның...

Толығырақ...Details

Өткеннің ауыр жүгінен болашақтың берік іргетасына дейін…

16.11.2026
Өткеннің ауыр жүгінен болашақтың берік іргетасына дейін…

Абай облысының бүгінгі тынысын бағалау үшін кешегісін де кем білмеу керек. Ал ертеңіне сеніммен қарауға бүгінгі өзгерістердің ауқымын, нақты нәтижесі...

Толығырақ...Details

Казахстан занял первое место в Центральной Азии по развитию туризма

16.11.2026
Казахстан занял первое место в Центральной Азии по развитию туризма

Казахстан занял 56-е место среди 110 стран в рейтинге развития путешествий и туризма за 2026 год, подготовленном Всемирным экономическим форумом...

Толығырақ...Details

Жаңалықтар

Өтініш беруден проактивтілікке: мемлекеттік қызмет алушылардың құқықтарын қорғаудың жаңа тәсілі

21 час бұрын

Көлік және логистика: Қазақстанның экономикалық дамуына жаңа серпін беретін бағыт

21 час бұрын

Кінәсіздік презумпциясы – адам құқықтарын қорғаудың маңызды кепілі

21 час бұрын

Қазақстан Халық Кеңесінде білім беру, ғылым және адами капиталды дамыту жөніндегі бастамалар қаралды

1 день бұрын

Өткеннің ауыр жүгінен болашақтың берік іргетасына дейін…

2 дня бұрын

Казахстан занял первое место в Центральной Азии по развитию туризма

2 дня бұрын

Абай облысында жыл басынан бері 171 мыңнан астам профилактикалық екпе жасалды

2 дня бұрын

Қолжетімді әрі сапалы медицина: Президент Жолдауындағы әлеуметтік дамудың маңызды бағыты

2 дня бұрын

Еркін жүріп-тұру және тұрғылықты жерді таңдау – конституциялық құқық

2 дня бұрын

Семейде қоғамдық келісімді нығайтудың жаңа тәсілдері талқыланды

2 дня бұрын
Тағы оқу...

Директор:
Риза Асанқызы Молдашева

Веб-менеджер:
Ерлан Айқынұлы


«Семей таңы» газеті 1969 жылы «Құрмет белгісі» орденімен, 2009 жылы ҚР Президентінің БАҚ саласындағы
грантымен марапатталған.

Редакция мекенжайы:

F18A5H3, Семей қаласы,
Қайым Мұхамедханов көшесі,12.

Байланыс:

Директордың қабылдау бөлмесі — 523657;
бас редактор — 520984;
Жарнама және баспасөзге жазылу бөлімі — 560803;
факс — 520475.

 

e-mail:
info@semeytany.kz


Қазақстан Республикасы Ақпарат және коммуникациялар министрлігі берген қайта тіркеу куәлігі
№7220-Г, 30.07.2018.ж.


Яндекс.Метрика

© «ABAI AIMAQ MEDIA» ЖШС

Нәтиже табылмады
Барлық нәтижені қарау
  • Жаңалықтар
    • Саясат
    • Мәдениет
    • Қоғам
    • Қылмыс
    • Спорт
    • Экономика
    • Жаһан
    • Көзқарас
  • Мультимедиа
    • Видео
    • Фото
  • Төртінші билік

© «Семей таңы газеттері – Вести Семей» ЖШС