Пәкістанның оңтүстігіндегі Бела қаласында автобус жыраға құлап, өртеніп кетті, деп хабарлайды Stan.kz ақпарат агенттігі.
Жол апатынан 39 адам мерт болды.
Жергілікті полицияның хабарлауынша, автобус 29 қаңтарда Кветта – Карачи бағытымен келе жатып, таңғы сағат 4-те көпір тірегіне жоғары жылдамдықпен соқтығысқан. Содан кейін ол жыраға құлап, өртеніп кетті.
Автобуста 48 жолаушы болған.
«Қазіргі уақытта 39 адамның денесі шығарылды. Екі жараланған адам Карачиге ауыр жағдайда жеткізілді», – деді полиция.
Полицияның мәліметінше, үш адам, оның ішінде әйел мен бала құтқарылды. Өлгендердің денелері ДНҚ анализін жүргізу үшін Карачиге жеткізіледі.
