Абай облысы әкімінің орынбасары Димитрий Гариков, Абай облыстық Төтенше жағдайлар департаментінің басшысы Манарбек Шапағатовпен, ТЖД ТЖААБ және Су ресурстарын пайдалану мен қорғауды реттеу жөніндегі Ертіс бассейндік инспекциясының өкілдерімен бірлесіп, Семей қаласы, Бесқарағай және Бородулиха аудандарының аумағына аэровизуалды тексеру жүргізді. Мамандар қар жамылғысының биіктігін, Ертіс және Уба өзендеріндегі гидрологиялық жағдайды бақылап, гидротехникалық құрылыстардың жай-күйін де тексерді.
Барлық зерттелген аумақтарда қардың тез еруі байқалуда, Ертіс өзенінде Шүлбі су қоймасынан төмен Бесқарағай ауданының шекарасына дейін сирек мұздың ағыны, қалдық жинақтар бар. Бесқарағай ауданынан Павлодар облысының шекарасына дейін мұздың қатуы байқалады. Уба өзенінде мұз жамылғысының бұзылуы, кей жерлерде мұз байқалуда.
«Аэровизуалды бақылау нәтижелеріне сүйене отырып, өзендерде кептеліс құбылыстары жоқ деп айта аламын. Гидротехникалық құрылыстар штаттық режимде жұмыс істеп тұр. Су тасқыны жағдайы тұрақты бақылауда», — деді Абай облысы әкімінің орынбасары Дмитрий Гариков.
