Абай облысындағы өрт аумағында ауыз су мен азық-түлік жеткілікті, деп хабарлайды ҚазАқпарат жергілікті әкімдікке сілтеме жасап.
Құзырлы органдардың дер кезінде әрекет етуінің және барша облыс тұрғындарының жұдырықтай жұмылуының арқасында қазір тілсіз жаумен күресіп жатқан өрт сөндірушілер барлық қажетті заттармен қамтамасыз етілген.
Әкімдік қызметкерлері апатты аймаққа су мен азық-түлікті жинап, жеткізуде. Соның нәтижесінде өрт сөндірушілерде қажетті заттар тапшылығы жоқ.
Дала асханалары іске қосылды және әлі де жұмыс істеп жатыр.