Семей қаласының Бұлақ ауылының эвакуацияланған тұрғындары үйлеріне қайтарылды
Баспасөз қызметінің мәліметтеріне қарағанда, өрттің таралу қаупіне байланысты ауыл тұрғындары қауіпсіз жерге көшірілген болатын.
«Қазір жағдай тұрақталды, биліктің толық бақылауында. Тұрғындарды үйлеріне қайтару туралы шешім қабылданды»,-делінген хабарламада.
Бұлақ ауылынан барлығы 117 адам, оның ішінде 50 бала эвакуацияланған.
Айта кетейік, ҚР Төтенше жағдайлар министрлігінің баспасөз қызметі осыған дейін Абай облысындағы орман өртінің оқшауланғанын хабарлады.
