22 маусымда Абай облысының Денсаулық сақтау саласы құрылымдарының есептік кездесуі өтті. Іс – шараға «ӘМСҚ» КЕАҚ филиалының директоры – Ғалымжан Әбілов, Денсаулық сақтау басқармасы басшысының орынбасары – Гүлназ Таңатарова, Семей қаласының № 5 дәрігерлік амбулаториясының бас дәрігерінің м.а. — Әсем Орынбаева және Семей қаласы әкімінің орынбасары қатысты.
Ғалымжан Әбілов медициналық сақтандыру қоры филиалының атқарған жұмысы және медициналық ұйымдарды қаржыландыру туралы баяндама жасады. Мәселен, Абай облысының тұрғындарына медициналық көмек көрсетуге 2023 ж. 80 млрд теңгеге қаржыландыру жоспарланған, Семей қаласы бойынша ағымдағы жылға 57 млрд теңгеден астам қаржы қарастырылған, оның ішінде ТМККК – 30 млрд теңге, МӘМС-25 млрд теңгеден астам.
Кездесу барысында Ғалымжан Әбілов өңірдегі міндетті әлеуметтік медициналық сақтандыруды іске асыру барысы туралы айтып берді. Берілген деректер бойынша сақтандырылмаған халықтың саны 01.06.2023 ж. 89 631 адамды құрайды.
Сондай-ақ, «ӘМСҚ» КЕАҚ филиалының директоры медициналық қызметтердің сапасы мен көлеміне жүргізіліп жатқан мониторингтер туралы толығырақ айтып берді.
💬»ТМККК және МӘМС пакеттері бойынша қор жеткізушілерінің халыққа көрсеткен медициналық қызметтері үшін ақы төлеу осы қызметтердің сапасы мен көлеміне мониторинг жүргізілгеннен кейін ғана жүргізілетінін біз бірнеше рет атап өттік. Яғни, медициналық көмек көрсетудің стандарттары мен ережелерін, сондай-ақ клиникалық хаттамалардың ұсынымдарын сақтай отырып, құжатпен расталған ақылы қызметтер ғана төленеді. «Семей қаласының №5 дәрігерлік амбулаториясы» ШЖҚ КМК бойынша 2023 жылдың 5 айында 50 млн теңгеден астам сомаға 23 024 медициналық қызмет көрсетілді. Ағымдағы мониторинг кезінде 600 000 тнг сомасына 152 қателік анықталды».
Өз кезегінде қала әкімінің орынбасары:
💬 «МӘМС жүйесіне кіруге «кәсіпкерлікті дамытудың 2021-2025 жылдарға арналған ұлттық жобасы» мемлекеттік бағдарламасы ықпал етеді, оның шеңберінде кейіннен жұмысқа орналасумен кәсіптік қысқа мерзімді оқыту жүргізіледі (2022 жылы — 30 адам), бұл адамдар оқу сатысында мемлекеттік ай сайынғы стипендия есебінен МӘМС қатысушылары болады. Өз ісін ашу үшін гранттар беріледі (2022 ж. — 36 грант, 2023 ж. -5 грант), оған тұрғындарды МӘМС жүйесіне де қосады».
Айта кетейік, Денсаулық сақтау басқармасы басшысының орынбасары –Гүлназ Таңатарова және Семей қаласының № 5 дәрігерлік амбулаториясының бас дәрігерінің м.а. – Әсем Орынбаева атқарылған жұмыстар мен алдағы жоспарлар туралы есептерді ұсынды.
Әсем Орынбаева ұсынған деректері бойынша Семей қаласының № 5 дәрігерлік амбулаториясы бойынша сақтандырылмаған халықтың саны 1 817 адамды құрайды. Ағымдағы жылы амбулатория бойынша халыққа медициналық көмек көрсетуге 400 млн теңгеге жуық қаржы бөлінді.
