Кеше Абай облысы мәслихатының кезектен тыс, бесінші сессиясы өтті.
Сессия жұмысына облыстық мәслихаттың депутаттары, облыс әкімінің аппарат жетекшісі Жасұлан Сәрсебаев, облыстық басқарма басшылары қатысты.
Сессияның күн тәртібінде «2023 — 2025 жылдарға арналған облыстық бюджет туралы» Абай облысы мәслихатының 2022 жылғы 14 желтоқсандағы № 11/66-VIІ шешіміне өзгерістер енгізу туралы, Абай облысында жалпы су пайдалану ережесін белгілеу туралы, «Абай облыстық жер комиссиясының дербес құрамын бекіту туралы» Абай облысы мәслихатының 2022 жылғы 18 қарашадағы №10/63-VIІ шешіміне өзгерістер енгізу туралы сұрақтар қаралды.
Күн тәртібінде талқыға салынған мәселелер бойынша А.Маслова, М.Қарт, Р.Хазипов, тағы да басқа халық қалаулылары тарапынан депутаттық сауалдар жолданды.
Сессия соңында қаралған мәселелер бойынша шешімдер қабылданды.
«ST» — ақпарат
