Семей қаласының әкімі Нұрбол Нұрсағатов тұрғын үй-коммуналдық шаруашылық бөлімінің мамандары, «Теплокоммунэнерго» директоры, мердігер ұйымның өкілдері мен қоғамдық кеңес мүшелерімен бірге жылу магистральдарын қайта жаңғырту пункттерін аралап, жылыту маусымына дайындық жұмыстарын пысықтады.
Айкөркем МАҚЫШ,
«Semeı tańy»
Қала әкімі бастаған топ сонымен бірге «Ғаббасов», «Орталық», «РК-3», «Қарағайлы ПНС-3» жылу қазандықтарына барып, қысқы маусымға дайындық жұмыстарын тексерді.
Қазіргі күні Семейде жылу желілерін қайта жаңғырту жұмыстары қарқынды жүргізілуде. Биыл ұзындығы 3 761 метр болатын ОЖП-518 кварталішілік жылу желілерін және ұзындығы 3 915 метр болатын ОЖП-401 нысанын қайта жаңартуға бюджеттік өтінім қолдау тапты.
Би Боронбай және Физкультурная көшелеріндегі жобаларды жүзеге асыру сол жағалаудағы тұрғындарды үздіксіз жылумен қамтамасыз етуге мүмкіндік береді. Жұмыстарды сапалы орындау үшін қалалық әкімдік қызметкерлері тұрақты мониторинг жүргізеді.
Жылу нүктелерін аралаған қала әкімі мердігер ұйым өкілдеріне барлық жұмыстарды сапалы әрі уақытында атқаруды қатаң тапсырды.
— Өткен қыс айларында жылу беруден мәселелер болғаны рас, жедел ден қоюдың арқасында дер кезінде шаралар қабылданды. Биыл олқылықтардың алдын алуымыз керек. Бұдан бөлек, жылыту қазандықтарындағы жөндеу жұмыстарын бекітілген кестеге сәйкес аяқтап, жылу желілерін тексеруді ертерек қолға алуды тапсырамын,- деді Нұрбол Нұрсағатов.
Айта кетерлігі, биылдан бастап Мелькомбинат көшесіндегі үйлер орталықтандырылған жылу көзіне қосылады. Бұл көшедегі көп пәтерлі үйлер орталықтандырылған жылу жүйесіне қосылмай, тұрғындар баспанасын жылдар бойы өз күшімен жылытып келді. «Облыс әкімі Нұрлан Ұранхаевтың тапсырмасына сәйкес, Мелькомбинат көшесіндегі 3, 4, 10, 11, 12 тұрғын үйлерге жылу желісін тартуға мемлекеттік бюджеттен 192,058 млн теңге қаражат бөлінді.
Бұл жұмысты «ВостокМонтажИнжиниринг» ЖШС мердігерлік ұйымы 2022 жылдың қазан айында бастап, биылғы сәуір айында толық аяқтады»,- делінген қала әкімдігі таратқан ақпаратта.
Енді 48 пәтер алдағы жылыту маусымынан бастап орталықтандырылған жылу көзінен жылу алады.
Бүгінде тұрғындар өз қаражаттарына пәтер ішіндегі жылу жабдықтарын дайындап жатыр.
Жиынға вице-министрлер, комитет төрағалары, ведомстволық бағынысты ұйымдардың жетекшілері және салалық құрылымдардың өкілдері қатысты. Отырыс барысында министрліктің 2025 жылғы қызметінің қорытындылары...
Толығырақ...Details
