Абай облысы мәслихатының, «AMANAT» партиясының Абай облыстық филиалының төрағасы Қуаныш Сүлейменов, облыстық филиалдың атқарушы хатшысы Сеилбек Ысқақов Бесқарағай ауданына жұмыс сапарымен барды. Іс-сапар аясында Ақкөл, Жыланды, Бесқарағай, Бөкебай, Қарағайлы, Балапан ауылдарындағы бірқатар нысандарды аралады.
Жыланды ауылына кіреберіс жолын жөндеу бойынша жобаның іске асырылу барысымен танысып, Жыланды мектебіне, сондай-ақ Ақкөл ауылында көненің көзіндей болған мешітке барды.
Бесқарағай ауылында «АМАNАТ» партиясының партиялық бақылауында тұрған Бесқарағай ауылында сумен жабдықтау желілері мен су тарту құрылыстарының құрылысының барысымен, «Айналайын» балабақшасын күрделі жөндеуді іске асыру барысымен танысты.
Ғимарат ішін аралап жағдайына қанық болған соң, мекеме басшысына жөндеу жұмыстарын жасау үшін тиісті шараларды қабылдау тапсырылды.
Жұмыс сапары аясында «Ауыл — ел бесігі» жобасын іске асыру шеңберінде Бөкебай ауылының көшелерін асфальттау жұмыстарымен танысты. Жөндеу жұмыстары толығымен аяқталған. Сондай-ақ бағдарлама аясында Қарағайлы ауылында көп балалы отбасыларға жаңа үй салынуда.
«AMANAT» партиясының Абай облыстық филиалының баспасөз қызметі
