Semeytany.kz – Облыс әкімі Берік Уәли Семейдегі ірі өндіріс орындарының бірі – «Казполиграф» ЖШС-нің жұмысымен танысты.
1941 жылы негізі қаланған бұл кәсіпорында бүгінде 600-ден астам адам еңбек етеді. Серіктестік тұтынушыға дейінгі толық өндірістік циклмен жұмыс істейді: өнім дизайнын әзірлеуден бастап, дайын қаптаманы жеткізуге дейінгі үдерісті қамтиды.
Кәсіпорын жыл сайын:
-
30 мың тонна қағаз және картоннан қаптама өнімдерін;
-
2 мың тонна жабыны бар қағаз;
-
1,5 мың тонна полимерлі пленкадан бұйым;
-
1 мың тонна өзге де қағаз-картон бұйымдарын шығарады.
Өнімдері ішкі нарықпен қатар Қырғызстан, Өзбекстан және Ресейге экспортталады.
Инфрақұрылымы да толық:
-
2 темір жол кірме жолы,
-
автомобиль жүк алаңы,
-
жылытылатын қоймалар мен цехтар,
-
Германия, АҚШ, Финляндиядан жеткізілген заманауи құрал-жабдықтар.
Қазір кәсіпорын 6 млрд теңгелік жаңа инвестициялық жобаны жүзеге асырып жатыр. Жоба аясында сұйық өнімдерге арналған картон қаптамасын (Pure-Pak) өндіретін жаңа желі іске қосылады. Бұл жоба индустрияландырудың бірыңғай картасына енгізілген және Өнеркәсіпті дамыту қоры арқылы қаржыландырылуда.
Құрылыс-монтаж жұмыстарының 90 пайызы аяқталған. Облыс әкімі жаңа зауыттың дайындығын қарап, жобаның өңір үшін маңызды екенін айтты:
«Казполиграф – өңіріміздегі жетекші кәсіпорындардың бірі. Қазір өндіріс аясын кеңейтіп, жаңа зауыт ашуға кіріскен. Бұл – жаңа жұмыс орындары, жаңа мүмкіндік. Әкімдік тарапынан тиісті қолдау көрсетіледі», – деді Берік Уәли.
