Semeytany.kz – Облыс әкімі Берік Уәли қытайлық «XinJian XinHua industry company» компаниясының өкілдерімен кездесті. Жиында Семей қаласының дамуына бағытталған екі ірі жоба таныстырылды.
Айта кетейік, бұл кездесу аймақ басшысының Қытайдың Шыңжаң ұйғыр автономиялық өлкесіне жасаған сапары барысында басталған әріптестіктің жалғасы. Сол сапардың нәтижесінде «Семей» әлеуметтік кәсіпкерлік корпорациясы мен қытайлық компания арасында ынтымақтастық туралы меморандум жасалған болатын.
Екі негізгі бастама ұсынылды:
-
Әлеуметтік сауда орталығы
Инвесторлар ауыл шаруашылығы өнімдерін өткізуге арналған ірі әлеуметтік базар салуды ұсынды.
Бұл кешенде:-
барлық санаттағы ауыл шаруашылығы өнімдеріне арналған сауда алаңдары,
-
салқындатылған қоймалар,
-
логистика,
-
бастапқы өңдеу, сұрыптау, орау,
-
зертханалық сараптама,
-
электрондық сауда,
-
көрме және жарнама қызметтері қамтылмақ.
Жобаның бастапқы құны – 20 млн АҚШ доллары. Қажеттілікке қарай инвестиция көлемі арттырылуы мүмкін.
-
-
Жаңа ықшам аудан жобасы
Қытайлық компания Семейде жаңадан бой көтеретін ықшам ауданнан:-
қонақүй,
-
балабақша,
-
тұрғын үй кешендері,
-
саябақтар салуға ниетті.
-
Аймақ басшысы Берік Уәли бұл ұсыныстарға қолдау білдірді:
«Сіздер ұсынған екі жоба да біздің өңіріміз үшін аса маңызды. Семей тоғыз жолдың торабында орналасқан, әлеуметтік сауда орталығы көрші облыстар үшін де тиімді болмақ. Бұл жұмысты келесі айдан бастай беруге болады. Ал жаңа ықшам аудан бойынша жобаларыңыз бас жоспармен үндеседі. Бірлесе жұмыс істеуге дайынбыз», – деді облыс әкімі.
