«Таза Қазақстан» бағдарламасы аясында Семей қаласында ауқымды ағаш отырғызу шарасы өтті.
Президент Қасым-Жомарт Тоқаев қатысқан телекөпірден кейін өңір басшысы Берік Уәли қала тұрғындары және жастармен бірге Қарағайлы ықшам ауданында ағаш отырғызу рәсіміне қатысты.
Шара барысында биіктігі 3,5–4 метр болатын 200 түп ағаш егілді. Олардың қатарында 60 түп алма, 60 түп шаған және 80 түп қарағаш бар. Тазалық акциясына 500-ден астам адам белсенді қатысқан.
Айта кету керек, аталған бастама аясында Семейде көгалдандыру жұмыстары жалғасады. Жалпы қала бойынша 2200 түп ағаш отырғызу жоспарланып отыр.
