"Семей таңы" газеті
ztlogo
  • Жаңалықтар
    • Саясат
    • Мәдениет
    • Қоғам
    • Қылмыс
    • Спорт
    • Экономика
    • Жаһан
    • Көзқарас
  • Мультимедиа
    • Видео
    • Фото
  • Төртінші билік
Нәтиже табылмады
Барлық нәтижені қарау
PDF нұсқа
ztlogo
  • Жаңалықтар
    • Саясат
    • Мәдениет
    • Қоғам
    • Қылмыс
    • Спорт
    • Экономика
    • Жаһан
    • Көзқарас
  • Мультимедиа
    • Видео
    • Фото
  • Төртінші билік
Нәтиже табылмады
Барлық нәтижені қарау
"Семей таңы" газеті
PDF
Нәтиже табылмады
Барлық нәтижені қарау

«ҚАЗАҒЫМ-АЙ» ҚАЛЫҚТАҒАН КҮН

23.02.2016

Әннің де есері бар, естісі бар,  кестелі тіл, өзіндік өлшемі бар. Тек хас шебер ғана кестелі сөзді көркем дауыстың ырғағына келтіре алады. Семей өңірі ондай саңлақтардан кенде болмаған. Кешегі Әміренің бүгінгі жалғасы Жүсіпбек Елебеков, Есімхан Обаев, Теміржан Базарбаевтардың шәкірті болған сондай күміс көмей сахна тарландарының бірі- дәстүрлі әнші, дара сазгер Тұрсынғазы Рахимов.

Жуырда қаламыздағы Абай театрында елімізге танымал дәстүрлі әнші, белгілі сазгер, Қазақстанның мәдениет қызметкері, М. Мақатаев атындағы сыйлықтың лауреаты, Әміре Қашаубаев атындағы мемлекеттік филармонияның әншісі Тұрсынғазы Рахимовтың құрметіне «Қазағым-ай!» атты І-ші Республикалық ән фестивалі болып өтті. Өнер иесінің шығармашылығына арналған салтанатты кешке еліміздің әр түкпірінен үлкен сахнада танылып жүрген саңлақ әншілер жиналып, қалың көрермен мен әділ қазылар алдында сынға түсті. Сонымен қатар байқауға әншінің шәкірттері, өнер әлеміндегі әріптестері мен қалың тыңдарманы қатысты.

Ән мерекесі Тұрсынғазы Рахимовтың Мұқағали Мақатаевтың сөзіне жазылған «Қазағым-ай!» әнімен ашылды. Осыдан соң сахна төріне салтанатты шара иесі, байқауға баға берер қазылар алқасының төрағасы Тұрсынғазы Рахимов құрметпен шақырылды. Барша көрермен  аяулы әншісін ыстық ықыласпен қарсы алып, зор қошемет білдірді.

Бұдан кейінгі кезек кештің мәртебелі меймандарына беріліп, көпшілік алдына ШҚО әкімінің орынбасары Жақсылық Омар, Семей қаласының әкімі Ермак Сәлімов, жазушы, ғалым Тұрсын Жұртбай, Абай қорық-мұражайының директоры Болат Жүнісбек көтерілді.

Лебіз білдіріп, сөз алған аймақ басшысының орынбасары Жақсылық Омар осынау әсерлі ән кешімен барша семейліктерді құттықтап өтті.

— Қайырлы кеш, құрметті жақсысының қадіріне жеткен, өнерпазын алақанында аялаған Семей жұрты. Семей шаһарында үлкен тағылымды шара өтіп жатыр десек қателеспейміз. Өйткені, алаштан ән оздырған небір бұлбұл да, дүлдүл де осы бір қасиетті топырақтан түлеп ұшқан болатын. Расында, кешегі өткен Әміре де, Мұқағали да, Жәнібек те мұндай құрмет көрмей кетті. Олардың қасында халқының махаббатына кенелген Тұрсынғазы ағамыз бақытты. Себебі сонау 1992 жылы Қазақстанның еңбек сіңірген мәдениет қайраткері атағын алды. Ал 2011 жылы Президент Жарлығымен «Ерен еңбегі үшін» медалін иеленді. Жасыратыны жоқ, орденге де ұсынғанбыз. Алайда, заң бойынша, алдымен медаль иеленуі тиіс екен. Ол марапатқа да қол жетер күн  алыс емес деп ойлаймыз. «Өнерпаз өз ортасына бірінші кезекте мінезімен сыяды» деген Абайдың ғибратты сөзі осындайда ойға оралады. Тұрсынғазы ағамыздың өз халқына деген сәби махаббаты, мінезі мен ерекше өнері өз халқының, тыңдарманының жүрегін жаулауына септігін тигізді. Расында, өнерпаз үшін халқының құрмет пейілінен, ыстық ықыласынан артық баға жоқ, — деп атап өткен Жақсылық Мұқашұлы өнері иесіне ілтипат білдіре келе, облыс әкімі Даниал   Кенжетайұлының да құттықтауын жеткізді.

Сонымен қатар облыс әкімінің орынбасары     алдағы уақыттарда Тұрсынғазы Рахимовтың құрметіне арналған ән фестивалін дәстүрлі түрде өткізіп тұруға шешім қабылданғанын да айтып өтті.

Бұл күні әнші-сазгер үшін қошемет мол болды. Атап айтсақ, сөз алып, құттықтау білдірген Семей қаласының әкімі Ермак Сәлімов өнер иесіне       «Семей қаласының Құрметті азаматы» атағы    берілетінін мәлімдеді.

— Қайырлы кеш, қадірменді қауым. Бүгін, міне, жақсы бір кеште жүздесіп отырмыз. Тұрсынғазы Рахимовты барша халық жақсы біледі. Өнеріне қанық. Ағамыздың абыройы үлкен, еліміздің мақтанышы. Алдағы уақытта қалалық мәслихат депуттатары өнер иесін арнайы шақырып құттықтамақ, — деп тоқталып өтті Ермак Бидахметұлы.

Ал Абай қорық-мұражайының директоры Болат Жүнісбек ҚР Мәдениет және спорт министрі Арыстанбек Мұхамедиұлының ерекше  ықыласпен жазылған Алғыс хатын және Қазақ хандығының 550 жылдығына арналған медальды табыс етті. Сондай-ақ, өз кезегінде кеш иесі Тұрсынғазы Рахимов барша қауымға, ілтипат білдірген басшыларға ал-ғыс білдіріп, осынау құрметке риза екенін жеткізді.

Осыдан соң кезек Тұрсынғазы Рахимовтың әндеріне берілді. Республиканың әр түкпірінен сайланып келген саңлақ әншілер кезектесе сахнаға шығып, асқақ үнмен қазақы нақыштағы әндерді әуелетіп жатты. Әсіресе сазгердің Мұқағали ақынның сөзіне жазылған әндері ерекше нақышпен орындалды. Айта кету керек, Тұрсынғазы Рахимовтың әндерінің тыңдарман жүрегіне жол табуына себепкер болған адам – Мұқағали Мақатаев. Осы уақытқа дейін ақынның он беске жуық өлеңін әнге қосыпты. Бұл жолғы байқау барысында «Дариға, домбырамды берші маған», «Отыздан асып барамын», «Мен сені сағынғанда», «Санаулы күн» , «Нені аңсаймын», «Я, Жаратушы Аллам», «Қазағым-ай», «Аягөз ару» сынды жан дүниеңді тебірентетін әндер көпшіліктің құлақ құрышын қандырды. Расында, тыңдарманы Тұрсынғазы әншіні сағынып қалған екен. Әр әнін ықыласпен тыңдап, ұзақ қол соғып қошемет білдіріп отырды.

Қ. ӘЛІМБЕК, Семей қаласы

Ұқсас жаңалықтар

Өтініш беруден проактивтілікке: мемлекеттік қызмет алушылардың құқықтарын қорғаудың жаңа тәсілі

17.11.2026
Өтініш беруден проактивтілікке: мемлекеттік қызмет алушылардың құқықтарын қорғаудың жаңа тәсілі

Қазіргі мемлекеттік қызмет жүйесі өзінің жұмыс философиясын біртіндеп өзгертіп келеді. Мемлекеттің басты назарында мемлекеттік қызмет көрсету процесінің өзі емес, адам,...

Толығырақ...Details

Көлік және логистика: Қазақстанның экономикалық дамуына жаңа серпін беретін бағыт

17.11.2026
Көлік және логистика: Қазақстанның экономикалық дамуына жаңа серпін беретін бағыт

Қазақстанның экономикалық әлеуетін арттыруда көлік және логистика саласының маңызы ерекше. Президент Қасым-Жомарт Тоқаевтың Жолдауында айқындалған инфрақұрылымды жаңғырту, экономиканы әртараптандыру және...

Толығырақ...Details

Кінәсіздік презумпциясы – адам құқықтарын қорғаудың маңызды кепілі

17.11.2026
Кінәсіздік презумпциясы – адам құқықтарын қорғаудың маңызды кепілі

Адамның құқықтары мен бостандықтарын қорғау, заңдылық пен әділеттілікті қамтамасыз ету құқықтық мемлекеттің басты қағидаттарының бірі. Қазақстан Республикасының Конституциясында әр адамның...

Толығырақ...Details

Қазақстан Халық Кеңесінде білім беру, ғылым және адами капиталды дамыту жөніндегі бастамалар қаралды

17.11.2026
Қазақстан Халық Кеңесінде білім беру, ғылым және адами капиталды дамыту жөніндегі бастамалар қаралды

Қазақстан Халық Кеңесі Қоғамдық бастамаларды дамыту комитетінің төрағасы Вера Кимнің төрағалығымен Білім беру және адами капитал мәселелері жөніндегі салалық комиссияның...

Толығырақ...Details

Өткеннің ауыр жүгінен болашақтың берік іргетасына дейін…

16.11.2026
Өткеннің ауыр жүгінен болашақтың берік іргетасына дейін…

Абай облысының бүгінгі тынысын бағалау үшін кешегісін де кем білмеу керек. Ал ертеңіне сеніммен қарауға бүгінгі өзгерістердің ауқымын, нақты нәтижесі...

Толығырақ...Details

Казахстан занял первое место в Центральной Азии по развитию туризма

16.11.2026
Казахстан занял первое место в Центральной Азии по развитию туризма

Казахстан занял 56-е место среди 110 стран в рейтинге развития путешествий и туризма за 2026 год, подготовленном Всемирным экономическим форумом...

Толығырақ...Details

Жаңалықтар

Өтініш беруден проактивтілікке: мемлекеттік қызмет алушылардың құқықтарын қорғаудың жаңа тәсілі

17 часов бұрын

Көлік және логистика: Қазақстанның экономикалық дамуына жаңа серпін беретін бағыт

17 часов бұрын

Кінәсіздік презумпциясы – адам құқықтарын қорғаудың маңызды кепілі

17 часов бұрын

Қазақстан Халық Кеңесінде білім беру, ғылым және адами капиталды дамыту жөніндегі бастамалар қаралды

20 часов бұрын

Өткеннің ауыр жүгінен болашақтың берік іргетасына дейін…

1 день бұрын

Казахстан занял первое место в Центральной Азии по развитию туризма

2 дня бұрын

Абай облысында жыл басынан бері 171 мыңнан астам профилактикалық екпе жасалды

2 дня бұрын

Қолжетімді әрі сапалы медицина: Президент Жолдауындағы әлеуметтік дамудың маңызды бағыты

2 дня бұрын

Еркін жүріп-тұру және тұрғылықты жерді таңдау – конституциялық құқық

2 дня бұрын

Семейде қоғамдық келісімді нығайтудың жаңа тәсілдері талқыланды

2 дня бұрын
Тағы оқу...

Директор:
Риза Асанқызы Молдашева

Веб-менеджер:
Ерлан Айқынұлы


«Семей таңы» газеті 1969 жылы «Құрмет белгісі» орденімен, 2009 жылы ҚР Президентінің БАҚ саласындағы
грантымен марапатталған.

Редакция мекенжайы:

F18A5H3, Семей қаласы,
Қайым Мұхамедханов көшесі,12.

Байланыс:

Директордың қабылдау бөлмесі — 523657;
бас редактор — 520984;
Жарнама және баспасөзге жазылу бөлімі — 560803;
факс — 520475.

 

e-mail:
info@semeytany.kz


Қазақстан Республикасы Ақпарат және коммуникациялар министрлігі берген қайта тіркеу куәлігі
№7220-Г, 30.07.2018.ж.


Яндекс.Метрика

© «ABAI AIMAQ MEDIA» ЖШС

Нәтиже табылмады
Барлық нәтижені қарау
  • Жаңалықтар
    • Саясат
    • Мәдениет
    • Қоғам
    • Қылмыс
    • Спорт
    • Экономика
    • Жаһан
    • Көзқарас
  • Мультимедиа
    • Видео
    • Фото
  • Төртінші билік

© «Семей таңы газеттері – Вести Семей» ЖШС