Бородулиха ауданына қарасты Сарноғай ауылында дәстүрлі Сабантой мерекесі болып өтті. Аталмыш думанды шараға Алматы, Семей қалаларынан, іргелес аудандардан арнайы келген қонақтар қатысты.
Салтанатты шараны аудан әкімі Ахметқали Ахашұлы құттықтау сөзбен ашты.
Көпұлтты өңірдегі осынау мерекеде аудандағы ауылдық округтер мен көршілес аудандардың этномәдени орталықтары, өнерпаздар ұйымдары өнер көрсетті. Татар-башқұрт халқының дәстүрлі ас мәзірлері мен қолөнер бұйымдарынан көрмелер ұйымдастырылды.
Түрлі ұлттық спорттық сайыстар өткізіліп, жүлделі орындар берілді.
Сонымен қатар, аймағымыздағы халықтар бірлігін, этномәдени қарым-қатынастарды нығайтуда елеулі еңбек сіңіріп жүрген бірқатар қоғам белсенділері марапатталды.
Еңбек пен бауырластықтың мерекесі Сабантой жайлы толығырақ «Семей таңы» газетінің алдағы номерінен оқи аласыздар.
«СТ» — ақпарат
