Шығыс Қазақстанда медицина саласында жоғары технологиялармен қызмет
көрсетіле бастады. Мәселен, ағымдағы жылдың бес айында облыста 680 миллион
теңгеге 170-тен астам жоғары технологиялық медициналық көмек көрсетілген.
Бүгінгі таңда, жалпы
алғанда, 550-ден астам жоғары
технологиялық медициналық
қызмет көрсету жоспарлануда.
Бұл туралы Аймақтық ком-
муникациялар қызметінде өткен
брифингте ШҚО денсаулық
сақтау басқармасы басшы-
сы орынбасарының міндетін
атқарушы Айнаш Қапанова айтты.
Бірнеше жылдан бері облыста
дәрігерлердің шетелде біліктілігін
арттыру бағдарламасы жүзеге
асырылып келеді. Мәселен,
қазіргі уақытта 19 дәрігер кейін
аймақтағы емханаларда жоғары
технологиялық медициналық
көмек көрсету мақсатында
Израильде білім алуда.
– Шығыс Қазақстан дәрігерлері
ми ісігін трансназальды әдіспен,
яғни ешбір тілімсіз жүзеге асы-
рады. Бұл науқастың қалыпты
өмір салтына тезірек оралуы-
на мүмкіндік береді. Аз инвазив-
ті әдіспен дәрігерлер кардиости-
муляторды, синус түйінінің әлсіз
синдромынан зардап шегетін
науқастарға кардиовертер-дефи-
брилляторды имплантациялай-
ды. Сонымен қатар Ана мен бала
орталығының уролог-андролог-
тері ауыз қуысының шырышты
қабаты материалының бір бөлігін
пайдалана отырып, несепағардың
жетіспейтін бөлігіне балаларға
пластикалық оталар жасайды.
Кейін бұл балалар дұрыс зәр
шығарып, толыққанды өмір
сүре алады. Онкологиядағы
хирургиялық көмек те
жақсы мысал бола алады.
Қалқанша безінің аз инва-
зивті хирургиясы саласында
жоғары технологиялық әдіс —
эндоскопиялық тиреоэктомия
енгізілді, — деді спикер.
Баспасөз мәслихаты бары-
сында сондай-ақ жыл соңына
дейін, тиісті медициналық
құрал-жабдықтар сатылып
алынғаннан кейін, жоғары
технологиялық медициналық
көмектің тағы 14 түрін енгізу
жоспарланып отырғаны ай-
тылды.
Биылдың өзінде
облыстағы емдеу мекеме-
леріне 838,8 млн теңгеге 6
дана құрал-жабдық алынады.
— Қолданыстағы денсаулық
сақтау нысандарының
инфрақұрылымын жақсартуға
да көп көңіл бөлінуде.
Күрделі жөндеу жұмыстары
36 денсаулық сақтау ныса-
нын қамтиды, оның ішінде 24-
інде жұмыс жүргізілуде, 12-сі
конкурстық процедуралардан өтіп
жатыр.
Сондай-ақ ағымдағы жылы
екі жоба жүзе асырылмақ: Күршім
ауданы Қалжыр ауылындағы
және Үржар ауданы Қаратұма
ауылындағы дәрігерлік амбу-
латорияларды қайта жаңғырту
жоспарланып отыр. Бүгінде
Риддер қаласында көпсалалы ау-
рухана кешенінің жобасы бойын-
ша құрылыс-монтаж жұмыстары,
Өскеменде Гематологиялық
орталықтың құрылысы жүріп жа-
тыр, — деді Айнаш Қапанова.
Айнаш Қапанованың айтуынша,
Балалар жылына орай, облыста
жас емделушілерге көрсетілетін
медициналық қызметтің деңгейі
мен сапасын арттыру мақсатында
түрлі жобалар жүзеге асырылуда.
— Ағымдағы жылдың
қаңтарында Семей перинаталдық
орталығының базасында бірегей
бөлімшелер ашылды. Бұл — бала-
ларды оңалту және ерте араласу
орталығы. Жыл басынан бері 340
бала оңалту курсынан өтті, оның
59-ы тәулік бойы жұмыс істейтін
стационарда, 281-і күндізгі стаци-
онарда емделді, — деді Денсаулық
сақтау басқармасының өкілі.
Бұл ретте балаларға
мамандандырылған көмек көрсету
үшін 58 маман біліктілігін арттыру
курстарынан өтіпті.
«СТ» — ақпарат
