Семей Медицина университетінің ұжымы және студенттер қауымдастығы бүгінгі ел Президенті Қасым-Жомарт Кемелұлының халыққа арнаған Жолдауын зор ынтамын тыңдадық. Биылғы Жолдауда да маңызды міндеттер қатары мол болды. Әсіресе, жоғары білім беру, ел экономикасын дамыту, медицина саласына қатысты атқарылуы тиіс жоспарлы шаралармен таныстық.
Ауылдық жерлердегі медицина саласын дамыту, соның ішінде, фельдшерлік, акушерлік пункттерді ашу ісі бүгінде күн тақырыбында тұр. Бұл ретте әрине жаңа нысандарды арнайы мамандарымен қамтамасыз ету – бізге жүктелген үлкен міндет. Расында ауыл медицинасын дамыту – өте үлкен жауапкершілікті талап ететді.
Сонымен қатар, ел Президентінің «алдағы уақыттарда резидентураға 70% ға дейін грант бөлінеді», — дегені бізді тіпті қуантып жатыр. Сондықтан да, осы Жолдаудан соң еліміздің медицина және жоғары білім беру саласы ерекше назарға алынатыны анық жайт.
Бұл орайда біздің университетіміздің ұжымы барлық күш-жігерімізді жұмсап, Президент жүктеген тың міндеттемелерді орындауға әзірміз.
Жолдауда айтылған негізгі бағыттар, жоспарлы шаралар мен ел үкіметіне жүктелген міндеттер уақытында орындалуы тиіс деп санаймын. Ал, «Әділетті мемлекет. Біртұтас ұлт. Берекелі қоғам» атты Жаңа Жолдау еліміздің дамуына соны серпін беретін үлкен бастама болатыны анық.
Жанаргүл СМАЙЛОВА,
Семей медицина университеті ректорының академиялық жұмыс жөніндегі орынбасары.
