Президенттің бұл Жолдауында жақын арада жүзеге асырылатын саяси реформалардың жаңа бағдарламасы мен әлеуметтік-экономикалық бағытта атқарылатын іс-шаралар туралы айтылды.
Мәселен, жастарға жылдық өсімі 2,5 пайыз жеңілдікпен несие беріледі, мемлекеттік грант саны артады. Әрбір балаға Ұлттық қордан 18 жасқа дейін ақша бөлініп отырады. Елімізде ең төменгі жалақы 70 мың теңгеге дейін көтеріледі. Елімізде күзде кезектен тыс Президент сайлауы өтеді. Бұлардың барлығы дер мезгілінде қолға алынып отырған бастамалар деп ойлаймын.
Жаңа экономикалық саясатты іске асыру үшін өндіріс орындарын инновациялық технологиялар мен жоғары санатты кадрлармен қамтасыз ету қажеттігі, салық саясаты, оның ішінде кеден саласындағы мәселелерді шешу, жер, жол, құрылыс мәселелерінің дұрыс игерілуі де осы Жолдауда жан-жақты қарастырылды.
Сондай-ақ, денсаулық, әлеуметтік салалардағы мәселелермен қоса, білім беру саласы да басты назарда болды. Президент мектепке дейінгі тәрбие жұмыстарында кездесетін олқылықтарды ретке келтіріп, бала-бақша тәрбиешілерін де аттестаттаудан өткізу керектігі ескертті. Білімді оқушы – біздің болашағымыз. Сондықтан, алдағы уақытта 800 мыңға жуық жаңа мектеп бой көтереді.
Мемлекет басшысы өз Жолдауында жастар, жатақхана мәселесі де айрықша тоқтала келе, жас мамандарды жұмыс орындарымен қамтамасыз ету бағдарламалары іске асырылатынын айтты.
Осы орайда, Шәкәрім университеті де болашақ маманның заман ағымына сай білім алуына, оқу үрдісінде заманауи технологияларды қолдануға, дәрісханалардың жасақталуына, жатақханалардың пайдалануға берілуіне, жас мамандарды жұмыспен қамтамасыз етуге көңіл бөлуде.
Алдағы уақытта Мемлекет басшысы айқындап берген бағыт-бағдар толықтай жүзеге асады деген үміттеміз. Біз, оқытушылар қауымы ел болашағы – жастарға білім мен тәрбие беру жолында барлық күш-жігерімізді жұмсайтын боламыз.
Шынар КЕҢЕСБАЕВА,
Қазақ филологиясы және журналистика кафедрасының аға оқытушысы, ф.ғ.к.
