Президентіміз Қ.К. Тоқаевтың «Әділетті мемлекет. Біртұтас ұлт. Берекелі қоғам» атты Қазақстан халқына жолдауы жаңа Қазақстан қалыптасуына басты бағыт бағдар берді. Мемлекет басшысы елдің дамуына жаңа серпіліс жасады. Заңгер болғандықтан бесінші бағдар ерекше назар аудартты.
Заң үстемдігі мен сот төрелігін күшейту басты назарда тұр. Судьялардың мәртебесін әртүрлі деңгейлерде теңестіру, сот төрағаларын судьялармен сайлау жүйесін енгізу, Жоғары сот судьяларын Сенатқа Президент ұсыну жолымен сайлау мүмкіндігін енгізу сот жүйесіндегі сот төрелігін күшейтетіні анық. Судьялардың ісіне араласуды шектеу, судьялардың жеке жауаптылығы, олардың жұмысын Қазылар алқасымен бағалау сот жүйесінің әділетті болуына барлық жағдай жасап отыр.
Президентіміз құқық қорғау органдарын реформалауға да көңіл бөлді. «Қасіретті қаңтар» оқиғасынан кейін оны ұйымдастырушылар мен басшылары қатаң жауапқа тартылуы жөнінде сөз көтерілді, сондай-ақ ауыр қылмыс жасамағандарға амнистия жариялады.
Бұл заң саласындағы жасалған барлық ұсыныстар елдегі заң үстемдігін қамтамасыз етеді деп сенемін.
Каражанов Малик Дулатович
Alikhan Bokeikhan University
Заң факультетінің деканы,
құқық бойынша философия докторы, PhD
