"Семей таңы" газеті
  • Жаңалықтар
    • Саясат
    • Мәдениет
    • Қоғам
    • Қылмыс
    • Спорт
    • Экономика
    • Жаһан
    • Көзқарас
  • Мультимедиа
    • Видео
    • Фото
  • Төртінші билік
Нәтиже табылмады
Барлық нәтижені қарау
PDF нұсқа
  • Жаңалықтар
    • Саясат
    • Мәдениет
    • Қоғам
    • Қылмыс
    • Спорт
    • Экономика
    • Жаһан
    • Көзқарас
  • Мультимедиа
    • Видео
    • Фото
  • Төртінші билік
Нәтиже табылмады
Барлық нәтижені қарау
"Семей таңы" газеті
PDF
Нәтиже табылмады
Барлық нәтижені қарау

«СӨЙЛЕЙТІН  САУСАҚ»  күні ертең көзге шұқуы да кәдік

13.09.2022
«СӨЙЛЕЙТІН  САУСАҚ»  күні ертең көзге шұқуы да кәдік
10
Қаралды
Facebook-ке бөлісуWhatsapp-қа бөлісуTelegram-ға бөлісу

 

Мәжілісте бас қосқандардың күн тәртібіндегі  мәселені талқылауға деген ықыласы жақсы боп шықты. Бірақ сөз сұрап, белсенділік көрсеткендердің дені ересек жандар еді. Бір уақ «жастарға да жол берейік» деген ұсынысқа орай қолын көтеріп, студент қыз құлшыныс білдірген. Жиналғандар айтар ойы бар, жігерлі жасты зейін қоя тыңдады. Маған тек қана ділмар қыздың сұқ саусағымен ауаны «шаншылағаны» көзімізді шұқып алардай, нашар әсер қалдырды.
Неге бұлай, тегінде тілің мен қолыңды қатар безеп, сұқ саусағыңды бірге «сөйлете» алсаң,  тыңдаушылардың да ауыздары аңқиып, құлақтары қалқаяр ма, екен? Алайда «сөйлейтін саусақ» себеп болған бұл әңгіменің мүмкіндігі шектеулі азаматтар пайдаланатын «ым тіліне», яки шын мәніндегі «сөйлейтін саусақтарға» еш қатысы жоқ. Мұны сұқ саусақ түрткі болған тәрбие төңірегіндегі ой деп біліңіз. Біз, әлбетте жас ұрпақтың алғыр да алымды болып өскенін қалаймыз. Бірақ, «өзім білемді» өзеуретпесек керек!
Әңгіме тізгінін ұстағаннан соң шығар, белсенділік танытқан бойжеткен жиналыс соңынан маған жолыққан. Айтқан пікіріне көзқарасымды білгісі келген  секілді. Жанғысы кеп тұрған ұшқынды сөндіріп алмайын деп, әуелгі ойымды ішіме бүгіп, ризашылық білдірумен шектелдім… жүре бара саусағын бүгетін де болар. Онда, бірақ жұмылған жұдырығымен үстелді қойғылап жүрмесе, не қылсын! Жас қызда кінә жоқ, жаңағыдай жиналыстарда небір шешен тілді ағаларынан көрген «өнегесі» болар.
Олай болса, бойжеткеннің сөйлеу мәнері мен машығы көңіліме «неге қонбағанына» жауап беріп көрейін. Рас, сөйлейтін «саусақтарды» аз көріп жүргеніміз жоқ. Олар, алдарында есту мүмкіндігі шектеулі адамдар отырғандай, қолдарын ербеңдетіп, сұқ саусақтарын кезеп, кейде, тіпті  алақандарымен ауаны әрі-бері «қуалап», тыным таппайды. Бұл – «қысқа тілге» саусақ жалғап, сайраудың бір түрі. Тіпті, тыңдаушыларын баурап алу мен басқару үшін рөлге кірудің амалы, әлде ереуілдеген энергияның сиқы.
Шынтуайтына келсек, ондай «шешендіктің» асығыңды алшысынан түсіретін кезі де болады. Әсіресе, саяси күресте екпіндеп, саусағыңмен «көзге шұқып  сөйлеу» – қарсыласыңды ықтырудың тәсілі. Бірақ бейбіт әңгімеде, мәртебелі кітаптың тұсаукесерінде саусағыңмен ауаны «шаншылап» сөйлеу жаныңдағы кісі үшін қолайсыз, тіпті  жас адамға жағымсыз-ақ. Абайтанудың білгірі, көрнекті ғалым Қайым Мұхамедханұлы өз әңгімелерін қоңыр даусымен қозғағанда тыңдаушылары құлақтарын өздері-ақ «созады» екен.
Өкінішке қарай, осы Абыз ақсақалдың кейбір шәкірттерінің де саусақтарының тілімен жағаласқанын көргенбіз. Соның бірі Қайым абызға арналған салтанатты жиында сұқ саусағын шошаңдатып-ақ баққан. Әйтеуір, залдағыларға қолы жетпейді. Ол ардақ тұтқан ғалым ағаны жақсы білетінін көрсетпек болып ұсақ-түйекке шейін термелегенінде сахнадан «сыраханаға» топ ете түскендей әсер қалдырған. Ғылыми орта ерекше ардақ тұтатын ғалым аға жайында айтатын басқа сөздің табылмағаны өкінішті еді.
Сөйтсек, бұл жаңағы «сақалды» шәкірттің әуелден қалыптасқан сөйлеу мәнері екен. Замандастарының оны сыртынан «сөйлейтін саусақ» деп атайтыны да тегін болмай шықты. Ендеше, жас адамның көрген-түйген  үлгісі осы болса, оған қандай кінә бар?! Оның үстіне теледидардағы «әртістерден» көріп, көкірегіне түйгені де сол. Түрлі семинарлар мен іскерлік оқуларын жүргізетіндер көзіңді ғана емес, миыңды да шұқып алардай, шұқшияды емес пе? Бұл да алған ақшаларын ақтауға тырысқандары.
Бізді алаңдататыны – жас ұрпақ тәрбиесі. Ауаны тіміскілеген «саусақтардың», яки олардың иелерінің айналасына «ілтипаты» да кеудемсоқ екенін білеміз. Соған қарағанда, техникалық «агрессияның» адам ағзасына зияны – зілбатпан. Әсіресе, жастардың айналасына деген «меңіреу», немкетті, тіпті аяқтарын үстелге асқан «астамшылығы» ойландырады. Ондайлар көшеде қарсы жолыққан әкесіндей жанға жол беруді ұят санайтындай:  «ұялмас нәрседен ұялып, ұялатын нәрседен ұялмайтындар» (Абай).
Олар ешкімді де көздеріне ілмейді, тіпті сақтанбасаң соғып өте шығудан да тайынбайды-ау! Қоғамдық көлікте орын беруге де «ұялатын» жас жігіттер мен бойжеткендердің жауыннан соңғы «саңырауқұлақтай» қаулағаны еріксіз ойландырады. Байқап қарасақ, «сөйлейтін саусақтар», көбінесе өзін-өзі сүйреп, қолынан келсе де, келмесе де жанталасатындар. Сондықтан көзіңді шұқып тұрып үйретуге дайындарға, өздерін айналасынан «артық туған» деп санайтындарға не деуге болады?!
Ақылы емес, кеудесі алшаң басатындар көбейді. «Бір дәурен кемді күнге – бозбалалық, Қартаймастай көрмелік, ойланалық. Жастықта көкірек зор, уайым жоқ, Дейміз бе еш нәрседен құр қалалық, – деп ой салады Абай. «Әуелі өнер ізделік, қолдан келсе, Ең болмаса еңбекпен мал табалық… «Еһе-еһеге» елірме, бозбалалар, Бұл бес күндік бір майдан ер сынарлық… Басында әке айтпаса ақыл жарлық, Ағайын табылмаса ой саларлық, Қалжыңдасып өткізген қайран дәурен, Түбінде тартқызбай ма ол бір зарлық?».
Бір қарағанда, қолыңды ербеңдетіп, саусағыңмен ауаны сызғылағанда тұрған дәнеме жоқ секілді. Алайда өзім үшін «сөйлейтін саусақтар» мен «үстелге асылған аяқтар» отбасы мен қоғамдағы тәлім-тәрбиенің  «сыңар езулігін», жартыкештігін  көрсететіндей. Қазір көп отбасыда «баланы бетінен қақпай өсіруді» желеу етіп, олардың жасында – тым шолжаң, есейгенде – есерсоқ, «оқтау тыққандай» кеудемсоқ екенін көріп жүрміз. Аспаннан түскендей, ата-анасын ұмытатындар да сондайлар.
Олай болса, «сөйлейтін саусаққа» сіз қалай қарайсыз? Әсілі, тіліңе саусағыңды қанша жалғасаң да «Сырттансынбақ, қусынбақ, өршілденбек… Қолдан келе бере ме жұрт меңгермек… Иттей қор боп, өзіне сөз келтірмек» (Абай). Олай болса, саусағыңмен ауаны «шаншымағанға» не жетсін! Оның үстіне, бұл адамның ішкі мәдениетінің де көлеңкесіндей. Ол асқына келе, өзінен басқаны пысқырмауға ұласса керек. Ендеше, ұрпақ тәрбиесі жаңғырып, ел келешегі – жастардың санасына сәуле түсіруінен үміттіміз.
Өйтпесе, «сөйлейтін саусақтың» күні ертең көзге шұқуы да кәдік.

 

                                                                                                                    Болат Жүнісбеков, 

жазушы

Ұқсас жаңалықтар

Атаулы әлеуметтік көмек көрсету тәртібіне бірқатар өзгерістер енгізілді

07.02.2025
Атаулы әлеуметтік көмек көрсету тәртібіне бірқатар өзгерістер енгізілді

Енді, АӘК 12 айға емес, тек тоқсанға тағайындалатын болды. Бұл туралы Абай облысының жұмыспен қамту және әлеуметтік бағдарламаларды үйлестіру басқармасы...

Толығырақ...Details

«Ұлттық қор – балаларға» бағдарламасы бойынша қазақстандық балаларға 888 млн доллар аударылды

31.01.2025
«Ұлттық қор – балаларға» бағдарламасы бойынша қазақстандық балаларға 888 млн доллар аударылды

В сентябре 2022 года Глава государства Касым-Жомарт Токаев в Послании народу Казахстана «Справедливое государство. Единая нация. Благополучное общество» инициировал старт...

Толығырақ...Details

Қазақстанда жаңа үш әуежайдың құрылысы басталды

22.01.2025
Қазақстанда жаңа үш әуежайдың құрылысы басталды

«Қатонқарағай, Зайсан және Кендірлі өңірлерінің де туристік әлеуетін дұрыс пайдалану қажет. Осындай демалыс аймақтарында сапасы жоғары жол инфрақұрылымы бар әуе...

Толығырақ...Details

РЕТТЕУДІҢ ЖАҢА ТЕТІГІ ДӘРІЛІК ЗАТТАРДЫҢ БАҒАСЫН ТӨМЕНДЕТУГЕ МҮМКІНДІК БЕРЕДІ

21.01.2025
РЕТТЕУДІҢ ЖАҢА ТЕТІГІ ДӘРІЛІК ЗАТТАРДЫҢ БАҒАСЫН ТӨМЕНДЕТУГЕ МҮМКІНДІК БЕРЕДІ

Қазақстанда ТМККК, МӘМС шеңберінде ем алатынпациенттерді қамтамасыз ету үшін  және дәріханалардың бөлшек сауда желісінде сатылатын препараттардың шекті құнын төмендетуді көздейтін...

Толығырақ...Details

Көшбасшылықтың жеке дипломатиялық тәжірибесі

04.01.2025
Қасым-Жомарт Тоқаев: «Мақсатым – экономиканы және егемендікті нығайту»

Мемлекет басшысының БҰҰ-да жұмыс істеу тәжірибесі мол. Жаһандық үдерістер мен халықаралық дипломатияның тетіктерін түсіну Қазақстанның әлемдік қоғамдастық тарапынан жоғары бағаланатын...

Толығырақ...Details

Қасым-Жомарт Тоқаевтың сұхбаты: жетістіктер, міндеттер, және ұстанымдар

04.01.2025
Қасым-Жомарт Тоқаевтың сұхбаты: жетістіктер, міндеттер, және ұстанымдар

Былтырдан бері дәстүрге айналғандай ҚР Президенті Қасым-Жомарт Кемелұлы Тоқаев «Ana tili» газетіне кезекті сұхбатын берді. Бұл сұхбат мазмұнын шартты түрде...

Толығырақ...Details

Жаңалықтар

Заманауи техниканы ауылға беру: ТЖМ қауіпсіздік стандарттарын теңестіреді

2 дня бұрын

Қазақстандағы ТЖ жүйесінің цифрлық трансформациясы

3 дня бұрын

Алматы әуежайын дамытуға 362 млн доллар жеке инвестиция тартылады

3 дня бұрын

Еліміздегі ең танымал ТОП-10 спорт түрі

3 дня бұрын

5 МАМЫР — ДҮНИЕЖҮЗІЛІК АКУШЕРЛЕР КҮНІ

4 дня бұрын

ТЖМ ауылдық жерлерде қауіпсіздікті нығайтады

4 дня бұрын

Биылғы құрылыс маусымы аясында бірқатар жол құрылысы басталады

4 дня бұрын

Қазақстандық оқушы Азия-Тынық мұхиты аймағының ең мықты лингвисі атанды

4 дня бұрын

Семейлік шекарашылар “Бірлік жарысы” марафонына қатысты

1 неделя бұрын

Әуежайдың террористік қауіп-қатерге дайындығы тексеріледі

1 неделя бұрын
Тағы оқу...

Директор:
Риза Асанқызы Молдашева

Веб-менеджер:
Ерлан Айқынұлы


«Семей таңы» газеті 1969 жылы «Құрмет белгісі» орденімен, 2009 жылы ҚР Президентінің БАҚ саласындағы
грантымен марапатталған.

Редакция мекенжайы:

F18A5H3, Семей қаласы,
Қайым Мұхамедханов көшесі,12.

Байланыс:

Директордың қабылдау бөлмесі — 523657;
бас редактор — 520984;
Жарнама және баспасөзге жазылу бөлімі — 560803;
факс — 520475.

 

e-mail:
info@semeytany.kz


Қазақстан Республикасы Ақпарат және коммуникациялар министрлігі берген қайта тіркеу куәлігі
№7220-Г, 30.07.2018.ж.


Яндекс.Метрика

© «ABAI AIMAQ MEDIA» ЖШС

Нәтиже табылмады
Барлық нәтижені қарау
  • Жаңалықтар
    • Саясат
    • Мәдениет
    • Қоғам
    • Қылмыс
    • Спорт
    • Экономика
    • Жаһан
    • Көзқарас
  • Мультимедиа
    • Видео
    • Фото
  • Төртінші билік

© «Семей таңы газеттері – Вести Семей» ЖШС