Сұрақ:
-
Мен жеке кәсіпкермін, ағымдағы жылы 250.00 нысанындағы бастапқы декларацияны тапсырдым. Алайда, банктік шоттарым бұғатталып, маған 270.00 нысан ұсынылмағаны туралы хабарлама келді.
Жауап:
-
Мұндай жағдай жалпыға бірдей декларациялаудың үшінші кезеңі шеңберінде жеке азаматтар бастапқы декларацияны ұсынған кезде (250.00 — нысан) 2024 жылдың орнына 2023 жылды таңдап, салық кезеңін дұрыс көрсетпегендіктен орын алуы мүмкін.
2023 жылғы салық кезеңімен кіріс декларациясының болуын ескере отырып, 250.00-нысанды ұсынғаннан кейін келесі жылға ұсынылуға жататын 270.00 нысандағы салық есептілігін ұсынбау туралы хабарлама жіберілген.
Хабарламаны орындау мерзімі аяқталғаннан кейін (30 жұмыс күн берілген) Салық кодексінің нормаларына сәйкес банктік шоттар бойынша шығыс операциялары тоқтатылды.
Көрсетілген бұзушылықты жою үшін салық төлеушінің кабинетінде 250.00 нысанын АУЫСТЫРУ ӘДІСІМЕН қайтарып алып, 2024 жылды таңдап, САЛЫҚ КЕЗЕҢІ жолына түзету енгізу қажет.
Әсем Тұрлыбекова, Абай облысы бойынша мемлекеттік кірістер департаментінің Түсіндіру жұмыстары және байланыс орталығы басқармасының басшысы
