Абай облысы бойынша мемлекеттік кірістер департаменті, бақылау-касса машинаcының фискалдық чектері бойынша сыйақы сомасын төлеу бойынша пилоттық жоба (бұдан әрі – «Salyq кэшбэк» пилоттық жобасы) 2024 жылдың 15 тамыздан бастап 31 желтоқсанға дейін (Семей қаласы бойынша) және «Чекті талап ет-жүлдені ұтып ал» акциясының 2024 жылдың 4 қыркүйегінен бастап 31 желтоқсанға дейін іске асатынын хабарлайды.
Бірінші кезеңде пилоттық жоба Абай облысы Семей қаласында іске асырылуда.
«Salyq кэшбэк» пилоттық жобасына кез келген адам қатыса алады.
Осы жоба шеңберінде сатып алушы жеке тұлға қолма-қол ақшасыз және/немесе қолма-қол ақшамен төлеген кезде және фискалдық чекті алған кезде арнайы мобильді қосымшадағы штрих-кодты сканерлейді және мобильді қосымшадағы дербес шотқа сатып алу сомасының 2% мөлшерінде «Salyq кэшбэк» сыйақыларын алады.
«Чекті талап ет-жүлдені ұтып ал» акциясын өткізу кезеңінде өңірдің әрбір тұрғыны кез келген сатып алу немесе ақылы қызмет алу арқылы смартфондар мен бағалы сыйлықтардың иегері болуға мүмкіндік алады.
Тек «Amian» мобильді қосымшасында тауарларға, жұмыстарға және қызметтерге ақы төлегені үшін чектерді тіркеу қажет.
Акцияға деректерді тіркеу және (немесе) беру функциясы бар бақылау-касса машиналарының чектері қатысады.
Науқан шарттары бойынша чекті беру күні мен уақыты ұтыс ойынының басталу күнінен ерте болмауы тиіс. Бір қатысушы тіркейтін чектер саны шектелмейді.
«Amian» мобильды қосымшасын App Store және Play market-тен тегін жүктеп алуға болады.
Бұл акцияны өткізудің мақсаты азаматтық белсенділікті арттыру, тауарларды, жұмыстар мен қызметтерді тұтынушылар ретінде өз мүдделерін қорғау мәселелерінде азаматтардың құқықтық мәдениетін тәрбиелеу, көлеңкелі экономиканың мөлшерін қысқарту болып табылады.
