Абай облысы Дін істері басқармасының әлеуметтік тапсырысы аясында “Интеллектуалды жастар қауымдастығы” ҚҚ ұйымдастыруымен Абай облысының діни бірлестіктер басшылары клубының отырысы өтті. Отырысқа Абай облысы Дін істері басқармасының басшысы Сеилбек Абирұлы Ысқақов, Абай облысы Ішкі саясат басқармасының басшысы Садырбаев Айдар Серікқазыұлы, сондай-ақ өңірдегі діни бірлестіктер басшылары қатысты.
Клуб отырысында Дін істері басқармасының жыл бойы атқарған жұмыстары туралы Көбжасаров Нұрлан Маратұлы баяндамасын жасады. Баяндама барысында аймақтағы діни тұрақтылық, бірлік пен ынтымақтастық мәселелері талқыланып, діни бірлестіктердің қоғамдағы рөліне ерекше назар аударылды.
Жиын соңында Сеилбек Абирұлы облысымыздың діни бірлестіктер басшыларына алғыс хаттар мен естелік сыйлықтар табыстап, барша қатысушыларды келе жатқан мейрамдармен құттықтады.
Өңірдегі діни бірлестіктер арасындағы ынтымақтастық пен достықтың маңыздылығы атап өтіліп, жиын оң нәтижелермен қорытындыланды.
