Semeytany.kz — Алматы қаласының бұрынғы әкімі Ерболат Досаев Қазақстан Республикасы Президенті Әкімшілігі басшысының орынбасары лауазымына тағайындалды. Бұл жөнінде Ақорда Мемлекет басшысының Жарлығын жариялады.
Ақпаратқа сәйкес, Ерболат Асқарбекұлы мемлекеттік және қаржы секторындағы мол тәжірибесімен танылған. Ол Республикалық физика-математика мектебін тәмамдап, 1993 жылы Алматы энергетика институтын бітірген. Еңбек жолын жеке секторда бастап, «Акцепт» корпорациясын басқарды, банк саласында жауапты қызметтер атқарды. Мемлекеттік қызметте Премьер-министрдің кеңесшісі, Энергетика, индустрия және сауда вице-министрі, Қаржы вице-министрі болды. Кейін Қаржы министрі, Денсаулық сақтау министрі, Экономика және бюджеттік жоспарлау министрі (кейін — Ұлттық экономика министрі) қызметтерін атқарды. «Бәйтерек» ҰБХ» АҚ басқарды, Премьер-министрдің орынбасары болды. 2019–2022 жылдары Қазақстан Ұлттық банкінің төрағасы, 2022 жылғы 31 қаңтардан бастап Алматы қаласының әкімі қызметін атқарды.
