Semeytany.kz – Абай облысы мәслихатының кезекті отызыншы сессиясы өтіп, оған облыс әкімі Берік Уәли, мәслихат төрағасы Шалқар Байбеков, депутаттар мен басқарма басшылары қатысты. Отырыста 2025 жылғы жылу маусымына дайындық, Семей қаласындағы жолаушылар тасымалы, облыстық бюджетке өзгерістер, ортақ су пайдалану қағидалары.
Алғашқы мәселе бойынша облыс әкімінің орынбасары Серік Төленбергенов баяндама жасап, өңірдегі барлық жылу көздерінің іске қосылғанын, әлеуметтік нысандарды (мектептер, ауруханалар, балабақшалар) бірінші кезекте жылуға қосу басталғанын мәлімдеді. Депутаттар күн тәртібіндегі тақырыптарға қатысты бірқатар сауал жолдап, талқылауға ұсыныстарын білдірді.
Сессия қорытындысында аймақ басшысы Берік Уәли қаралған мәселелердің тұрғындардың тұрмыс сапасын жақсартуға бағытталғанын атап өтіп, мәслихатпен өзара үйлесімді жұмыстың маңызын жеткізді. Әкім бөлінген қаражаттың мақсатты жұмсалуын қадағалау басты назарда болатынын айтып, өңірдің өзекті проблемалары кезең-кезеңімен шешілетінін айтты.
