Semeytany.kz — Абай облысы білім басқармасына қарасты Үржар ауданы білім бөлімінің “Бауыржан Момышұлы атындағы орта мектебі” КММ-нің 10 “Б” сынып еріктілері “Адал азамат” бағдарламасы негізінде, “Қамқор” жобасы аясында аға буынға қолдау көрсетті.
Оқушылар “Қоғамға қызмет ету” бағыты бойынша Үржар ауылының 91 жастағы тұрғыны Қалиасқаров Керейғазы атаның ауласына барып, қарын күреп, айналаны ретке келтірді. Ал сыныптың қыздары өз қолдарымен торт пісіріп апарып, ақсақалдың көңілін көтеріп, ақжарма тілектерін жеткізген.
Аталған игі іске сынып жетекшісі Амангалиева Лайля Ораловна ұйытқы болған. Мектеп ұжымы мұндай еріктілік бастамалар жас буынның үлкенге құрмет, кішіге ізет қағидасын іс жүзінде көрсететінін атап өтті.
