Қазақстан Республикасының Президенті Н. Ә. Назарбаевтың дамудың даңғыл жолына бастайтын бес институционалдық реформасын жүзеге асыруға бағытталған «100 нақты {jcomments on}қадам» бағдарламасы – еліміздің әлемдегі дамыған 30 елдің қатарына қосылу үшін жасалатын ірі Ұлтық жоспары болып табылады. Бұл бес институционалдық реформаны жүзеге асыруға бағытталған 100 нақты қадамның барлығының маңызы өте зор.
Осы «100 нақты қадам» бағдарламасы Тарбағатай ауданының әрбір мекемесінен және азаматынан үлкен жауапкершілікті талап етеді. Бұл ретте, мемлекеттік кірістер органына да елеулі міндеттер жүктеліп отыр. Салық және кеден саясатына қатысты, мемлекеттік кірістер құзыретіне жататын 9 қадам белгіленген. Атап айтсақ, салық, кеден саясатын және ресімдерін оңтайландыру, мемлекеттік қызметкерлер үшін, одар әрі барлық азаматтар үшін кірісті және шығысты жалпы жариялауды кезең-кезеңмен енгізу, тәуекелдерді басқару жүйесін енгізу және өзге де мемлекеттік кірістер органдарына қарасты міндеттердің маңыздылығы өте зор деп айтуға болады. Себебі экономикалық өсім реформасында салық және кеден саясатын арттыруға арналған қадамдардың еліміздің экономикасының дамуына тиімділігі сөзсіз. Бюджет толықтырудың басты көзі салықтан түсетін түсім екенін ескерсек, бұл қадамдардың негізгі бөлігі мемлекеттік кірістер органдары қызметінің мемлекет бюджетін толықтыру бағытындағы жұмыстарының тиімділігін арттыруға бағытталған.
Айнұр ӨМІРБЕКОВА,
Тарбағатай ауданы бойынша мемлекеттік
кірістер басқармасының бас маман-заңгері.
