Халық Елбасымыздың дәстүрлі Жолдауын үлкен үмітпен тосады, қуана қабылдайды. Өйткені, Елбасының Жолдауы әр қазақстандықтың келешекке деген жоспарын нақтылаудың, өмірге деген құлшынысының кепілі іспетті. Жолдауда әлеуметтік, білім, денсаулық саласындағы мәселелер көтеріледі. Сондықтан да, қазақстандықтар ертеңіне, елінің болашағына сеніммен қарайды. Оның айғағы жыл өткен сайын халық жағдайының жақсара түскені. Жылдан-жылға халықтың әлеуметтік тұрмысы жақсарып келеді. Еңбек айлығы мен шәкіртақы, зейнетақы өсуде. Бұл жаны жомарт біздің халықтың ынтымағын, бірлігін, сенімділігін қалаптастыруда.
Елбасымыз өз сөзінде «Күшті, қуатты мемлекеттер ғана ұзақ мерзімдік жоспарлаумен, тұрақты экономикалық өсумен айналысады. Егер ел өз бағыты мен баратын айлағын білмесе, ешқандай жел оңынан соқпайды» деді. Біз өз еліміздің болашағына, Елбасымызға сенеміз. Ұзақ мерзімді жоспарлар жасай отырып, мемлекет әр салада жетер жетістігін, бағындырар белестерін айқындайды.
ХХІ ғасырдағы дамыған ел дегеніміз – белсенді, білімді және денсаулығы мықты азаматтар. Міне, бұл жерде мектеп мұғалімдеріне үлкен жауапкершілік жүктеп отырғанын білеміз. Осы жолда оқушы, мұғалім, ата-ана ынтымақтықта, бірлікте жұмыс жүргізе отырып, біз Елбасының сындарлы саясатын қолдаймыз, жүзеге асыруға ат салысамыз.
{jcomments on}«Орта білім жүйесінде жалпы білім беретін мектептерді Назарбаев зияткерлік мектептеріндегі оқыту деңгейіне жеткізу керек. Мектеп түлектері қазақ, орыс және ағылшын тілдерін білуге тиіс» деген еді, әрине, бұл бағытта да игі жұмыстар атқарылуда. Бүгінгі таңда «Назарбаев зияткерлік мектебі» ДББҰ, Педагогикалық шеберлік орталығы, Кембридж университетінің білім беру факультетімен бірлесіп әзірлеген Қазақстан Республикасы педагог қызметкерлерінің біліктілігін арттыру курсының деңгейлі бағдарламасы бойынша үш деңгейде мұғалімдерді дайындауда, бұл деңгейлік курстан өткен мұғалімдер халықаралық білім беру жүйесімен танысқан, сондықтан, өз мектептерінің сапасын көтеруге қызмет жасайды. Назарбаев зияткерлік мектептеріндегі оқыту деңгейіне жеткізу жолында еңбек етеді. Бүгінгі таңда Назар-баев зияткерлік мектебі физика кабинетіндегі бай зертханасымен бөлісіп, физика пәнінен зерттеу жұмыстары мен зертханалық жұмыстарын осы жерде өткізуге, тәжірибелерімен бөлісуге, кеңес беру бағыттарында жұмыстар жасауда. Бұл да болашақ ұрпаққа, ғылымның алғашқы негіздеріне жасалып отырған бір мүмкіндік деп қабылдау қажет, қанаттасып, тәжірибе алмаса жүріп беріл-ген білім оқушыны шығармашылық ізденіске түсіреді. Ізденіске түскен тұлға сыни ойлайды, өзіндік ізденіс пен ақпаратты терең талдайды, өзіндік тұжырым жасайды, өз пікірін қорғайды.
Жолдауда мемлекеттік тілдің мәртебесі жайында өте жақсы айтылды. Ұлтты сақтап тұрған ол – тіл. «Қазақ тілі — бүгінде ғылым мен білімнің, интернеттің тіліне айналды. Қазақ тілінде білім алатындардың саны жыл өткен сайын көбейіп келеді» деді.Әрине, бұл жерде тілдің мәртебесін көтеруде жастардың орнын ерекше айту керек. Сан ғасырлық тарихы бар, қуатты тіліміздің мерейі үстем, өйткені, ол біздің ана тіліміз, бабаларымыз бізге қалдырған асыл мұрасының бірі. Біз өз тіліміздің байлығымен, көркемдігімен мақтанамыз. Жастар алғыр, олар тілді өте тез үйренеді, мемлекеттік тілді білмей, мемлекеттік қызмет те жоқ. Елдің болашағы — жастар, олар нағыз патриоттар. Осындай патриоттар тұрғанда, әрине, Ана тіліміз Мәңгілік Елімізбен бірге Мәңгілік тіл болады!
Біздер, мұғалімдер қауымы, Жолдауды ерекше қуанышпен қарсы алдық, таныстық, талдадық, өйткені, білім беру қызметкерлерінің әлеуметтік пакеттерін қайта қарастыратын болды. 2015 жылғы 1 шілдеден бастап еңбекақыларын білім беру саласында – 29 пайызға дейін арттыруды көздеуде. Бұл мұғалімдердің еңбегін бағалап, мамандық мәртебесін арттырады. Мәңгілік елдің ұландары біздің алдымызда отыр, сондықтан еркін ойлы, жаны сергек, өмірге икемді, мемлекетімізді біліммен әлемге мойындататын ұрпақты тәрбиелеу жолында табысты еңбектенудеміз. Мемлекет үшін ең басты қажеттілік – білім, сондықтан дені сау, білімді, рухани толысқан ұрпақ тәрбиелеу жолында әр ұстаз адал еңбек етеді.
Гүлнара Құнафина, Т.Аманов атындағы №16 орта мектеп І (ілгері) деңгей мұғалімі.
