Семей қаласына
| ШҚО әкімі Бердібек Сапарбаев арнайы жұмыс сапарымен келіп қайтты. Іссапар барысында Бердібек Мәшбекұлы Семейдегі бірқатар кәсіпорындарды аралады, жылу қазандықтарының жайымен танысты, «Спартак» футбол клубының ұжымымен жүздесті. Волгоград көшесіндегі жаңадан салынған үйдің иелеріне пәтер кілтін табыстады. Аймақ басшысымен бірге сенатор Сергей Плотников та Семейдің тыныс – тіршілігімен танысты. |  |
Аймақ басшысы алдымен осы Волгоград көшесінде толығымен салынып біткен баспаналардың иелеріне пәтер кілтін табыстады. «Жұмыспен қамту — 2020 жол кар-тасы» бағдарламасының үшінші бағыты бойынша, яғни еңбек ресурстарының ұтқырлығын арт-тыруды жүзеге асыру мақсатында экономикалық әлеуеті төмен елді мекендердің азаматтарын қоныс-тандыру үшін осы жерден біршама уақыт бұрын тұрғын үйлердің құры-лысы басталған болатын. Құрылыс барлық коммуналдық жүйелері тартылып, жарығы қойылып барып басталған- ды. Міне, мұнда қоныс аударғандардың қалалықтардан еш кемшілігі жоқ деп айтуға болады. Қоныстанушыға барлық жағдай жасалған.
Баспаналы болып, бас ауыртар мәселесінің шешімі табылған жан-дардың қатарында Айнабұлақ ауыл-дық округіне қарасты Самай елді-мекенінің тұрғыны Бауыржан Ұлыбаев та бар. Болашағы бұлыңғыр ауылдан біраз ағайын бұған дейін де көшіп кеткен. Бауыржан болса, баспананың жағдайымен біраз бөгелгенге ұқсайды. Енді бағы жанып, мемлекеттің қол-дауымен басына баспана берілгеніне шүкіршілік айтады. Жаңа қонысқа құтты болсын айтып кіріп шықтық. Кең әрі жарық үш бөлмесінен бөлек ас үйі тағы бар. Соңғы үлгімен салынғаны айшықталып – ақ тұр. Бауыржан бұйыртса, «Жұмыспен қамту -2020» бағдарламасымен қайта оқудан оқып, газ электр дәнекерлеуші болмақ. Қолынан іс келетін жұбайы бұл күнде тігіншілікті оқу үстінде.
— Жаңа үйге қоныс аударып жат-қандығымызға жанұямызбен қуанып жатырмыз. Қарапайым адамдарға осындай жағдай жасап, түрлі бағ-дарламаның жүзеге асуына Елбасының еңбегі зор. Үш балам бар. Балалары-мыз да қаланың мектебінен білімін толықтыра түсті. Президенттің тиісті тапсырмаларын жергілікті жерде тиянақты атқарып отырған облыс басшысы Б. Сапарбаевқа, қала әкімі А. Кәрімовке үлкен алғыс айтамын. Шалғай жатқан ауылдан осы Семейге келеміз дегенді ойламаппыз да, — дейді жаңа қоныс иесі Бауыржан Ұлыбаев.
Семей өңірі бойынша баспанаға әлеуеті төмен алты ауылдық округке қарасты елді мекендердің тұрғындары тізімге енген. Алғабас ауылдық окру-гінен Киікқашқан, Қызылжал ауыл-дарынан, Қараөлең ауылдық округінен Қараөлең ауылы, Таңат ауылдық округінен Социалистік Қазақстан, Айнабұлақ ауылдық округінен Самай ауылы және Знаменка ауылдық округінен Сынтас сынды алты ауыл болашағы жоқ ауылдар қатарында. Міне, осы ауылдардағы ағайынның алды жаңа баспананың иесі де атанып жатыр.
— Семей өңірі бойынша қоныс аударуға ынталы 182 адамды құрай-тын 38 отбасы осы тізімге кірсе, 2013 жылдың 19 маусымында бағдар-ламаға өзгерістер мен толықтырулар енгізудің нәтижесінде балалар үйлерінің тәрбиеленушілері, жетім балалар қатары да, алыстан елге оралған оралман ағайындардың бірлі – екісі жаңа баспанамен қамтылды, — дейді Семей қаласының жұмыспен қамту орталығының директоры Тұрсынбек Шынжин.
Айтпақшы, Жарма ауданынан – 7, Тарбағатай ауданынан – 3, Аякөз ауданынан – 2 отбасы Семей қаласына қоныс аударуға тілек білдірген. Аталмыш 12 отбасының құжаттарын облыстық өңіраралық комиссия мақұлдапты. Амандық болса, алдағы күндері тілек білдіру-шілер қолдарына баспаналарының кілттерін алады.
Қуантарлығы сол, мамандығы бар 26 адам бұл күнде жұмысқа да кірісіп кеткен екен. Ал, мамандығы жоқтарын оқытып, қайта даярлықтан өткізуге жұмыспен қамту орталығы жауапты. Бұл ретте орталық қаладағы сұра-нысқа сай мамандықтарды оқытуды қолға алмақ. Қалада әсіресе, газбен дәнекерлеуші, электрик сияқты ер-лердің жұмысына сұраныс болса, нәзік жандыларды тігінші, аспазшы сияқты мамандықтарға даярлау көзделуде.
Облыс әкімі Бердібек Мәшбекұлы да баспаналы болып, қуанышқа бөленіп жатқандарға пәтердің кілтін табыстады. Баспаналы болғандардың қуанышына ортақтасып, жылы лебізін білдірді. Мұндай игі істердің жүзеге асуы – еліміздегі экономика мен әлеу-меттің әл – ауқатының жақсарған-дығын айғақтайды деп атап өтті.
— Әрбір қазақстандықтың кеуде кернеген қуанышы біріншіден, Еге-мендіктің, екіншіден, Елбасының дұрыс жүргізіп отырған ішкі және сыртқы саясатының нәтижесі деп айрықша атап өтуге болады. Елімізде, оның ішінде ШҚО – да атқарылып жатқан жұмыстар Елбасы Н. Назарбаевтың тапсырмасының негізінде іске асып жатқан жұмыстар. Елдің бағытын түзейтін, бағдарын айқындайтын көптеген бағдарламалар жүзеге асып жатыр. «Жұмыспен қамту – 2020» игілігі мол бағдарлама. Осы бағдар-лама негізінде облысымызда көптеген тұрғын үйлер бой көтеріп, жаңадан жұмыс орындары ашылуда. Семейде жаңадан салынған елу үйдің де іргетасы осы бағдарлама арқылы қаланды, — деді құттықтау сөзінде Бердібек Мәшбекұлы. – Тәуелсіздік алғалы 22 жылдың ішінде Қазақ-станның қалай дамып келе жатқан-дығы көз алдарыңызда. Бүгінгі қуаныш осы егемендіктің айғағы. Бұл жерде бұрын су да, жарық та болмаған. Алдымызда үлкен елеулі мереке – Тәуелсіздік күні келе жатыр. Тарихи мерекеге орай бұл сіздерге арналған үлкен сый деп қабылдаңыздар. Баспаналарыңыздың ішінде жылылық, балалардың шат күлкісі естілсін, — деді облыс әкімі.
Бердібек Мәшбекұлы бұдан кейін жоғары технологиялар негізінде құрылыс ұнтақтарын дайындайтын «Alina PRO» ЖШС – нің Семейдегі филиалында болып, кәсіпорынның жұмысымен танысты. Семей қаласы бойынша индустрияландыру картасы аясында іске асатын 14 жобаның қатарына енетін кәсіпорынның бола-шағы зор. Индустриялды құрылыс ком-бинаты өндірістік қуаттылығы жылына 36 мың тонналық ұсақ ұнтақталған құрылыс материалдарын дайындауды көздеп отыр. Әзірге қыс мезгілінде отыз үш адам жұмыс атқарса, жазғы маусымда қырықтан астам адам еңбекпен қамтылады. Семейліктер негізінен бұл кәсіпорынмен Әуезов даңғылындағы 130 мекен – жайында орналасуымен таныс. Болашақта кәсіпорынның әкімшілік және өндірістік қызметі толығымен қазіргі орналасқан жерге ауысады. Себебі, Әуезов даңғылына алдағы жылдары қаланың Бас жоспарына сәйкес тұрғын үйлер мен әлеуметтік нысандар салынады. Бұл туралы қала әкімі Айбек Мүталап-ханұлы осы жерде аймақ басшысын құлағдар етті. Сондай-ақ қала бас-шысы кәсіпорынның Алматы қала-сындағы құрылтайшыларымен арнайы келіссөздер жүріп жатқандығын да атап өтті.
Аймақ басшысының жұмыс сапары «Семей Водоканал» МКК оң жағалау су құбырының шаруашы-лығында жалғасты. Су және кәріз құбырларының қалтқысыз қызметін қадағалайтын құзырлы шаруашы-лықтың бір сәтке болса да дамылдауға мүмкіндігі жоқ. Жұмыс шаш етектен десе де болады. Мардымды атқарар міндеттері мол.
Облыс әкімі Смычка аралындағы су соратын жүйенің Энергетик кентіне дейінгі құрылыс жұмысымен танысты. Бұл жерде үшінші насос стан-циясының да құрылысы қарасты-рылған. Құрылыс жұмысы өткен жылы Семей қаласының құрылыс бөлімінің тапсырысы бойынша басталған. Жобасын «Азияэнергопроектмонтаж» ЖШС дайындаған. Бас мердігер «Джеса-Семей» ЖШС. Құрылыс жұмыстары келер жылы аяқталады деп жоспарланған.
Бердібек Сапарбаев тәуліктің екінші жартысында ҚР Парламенті Сенатының депутаты Сергей Плот-никовпен бірге Энергетик кентіндегі № 5 интернаттың жылу қазандығына ат басын бұрды. Биылғы жаз айла-рында іргетасы қаланып, жаңадан салынып жатқан жылу беру ныса-нының құрылыс жұмыстарының аяқ-талуына аз уақыт қалған. Маман-дардың айтуынша, қарқынды жұмыс нәтижесінде қазандық жыл соңына дейін пайдалануға берілмек.
— Аталмыш қазандықта 4 су жылы-ту қазандығы жұмыс істеп, Энергетик кентіндегі біршама тұрғын үйді ыстық сумен, ал келер жылы толық жылумен қамтамасыз ететін болады, — дейді «Азия Энергопроектмонтаж» ЖШС-сі директоры Мұрат Ахметов.
Жаңадан салынған қазандық-тардың жұмысымен егжей-тегжейлі танысып шыққан облыс әкімі жаңа құрылғылардың бірінің түймесін өз қолымен басып, қазандықтардың бірін іске қосты.
Бұдан кейін облыс басшысы бас-таған топ «Спартак» стадионына барды. Облыстық бюджеттен 500 млн. теңгеден аса қаржы бөлініп, аталмыш стадионға жаз айларында күрделі жөндеу жұмыстары жүргізіліп, қыр-күйекте Қазақстан футболының 100 жылдық мерейтойы дүркіреп өткені белгілі. Стадионның жұмыстарымен танысқан Бердібек Мәшбекұлы:
— Осы стадионға бұрынғы Кеңес Одағы құрамында болған Украина, Грузия, Ресей, Қырғызстан елдерінен, Мәскеудің «Спартагы», Киевтің «Динамосы» мен Тбилисидің «Дина-мосынан» және Бішкектің «Алға» командаларында ойнаған, аттары көпке әйгілі ардагер аяқдопшылар келіп, жас күндеріндегідей доп тепкен болатын. Мерейтойды жоғары баға-лаған ардагерлер бірін-бірі 20 жыл уақыттан бері көрмегенін, бұрынғы ескі достарымен жолығуға осындай үлкен мүмкіндік жасағанымыз үшін алғыс-тарын айтып тарқасты, — деп ҚР Пар-ламенті Сенатының депутаты Сергей Плотниковты Қазақстан футболының 100 жылдық мерейтойының қалай өткені жайынан хабардар етті.
Расымен де «Спартак» стадионы аз ғана уақыттың ішінде адам таны-мастай өзгерген. Мұнда футболмен қатар, жеңіл атлетиканың да дамуына жақсы жағдай жасалған. Жуынатын және киім ауыстыратын орындардың барлығы жаңарған. Жөндеу жұмыс-тарын бақылап шыққан соң облыс әкімі жергілікті аяқдопшылардың жаттығу барысын тамашалады. Көп жылдан бері жөндеу көрмеген стадионның өзгеше өңге еніп, жаңарғанына куә болған Бердібек Мәшбекұлы мұндағы атқарылған жұмыстарға оң бағасын берді.
Аймақ басшысының келесі сапары «Семей машина құрастыру зауыты» АҚ-да жалғасты. Бүгінгі күні зауыттың жұмыс істеу қарқыны жоғары. Жыл сайын алға басып келе жатқан зауыт-тың шығаратын өнім көлемі 2011 жылмен салыстырғанда биылғы жылы бірнеше есеге артқан. Қазіргі таңда жүк көліктеріне арналған 8 тонналық тіркеме жасап шығаруда. Мәртебелі меймандарға зауыттың ішін аралата жүріп, жұмыстарымен таныстырған «Семей машина құрастыру зауыты» АҚ-ның Бас директоры Нұрлан Омаров аталмыш кәсіпорынның пайдаланатын материалдарының 95 пайызы отандық өнім екенін айтады.
— ҚР Қорғаныс министрлігіне қажетті техникалармен қатар, темір жол мекемелеріне де керек тех-никаларды жасап шығарамыз. Сондай-ақ, 8 тонналық жол талғамайтын шынжыр табанды техника да жоғары сұранысқа ие өнімдердің бірі. Оның сапасына көз жеткізгендіктен, еліміздің барлық аймақтары мен Ресейдің де бірқатар өңірлері тапсырыс беруде. Өйткені, бұл техника 70 градус суық пен 60 градус ыстыққа төтеп береді, жүріске де төзімді. Ал, тапсырыс берушілермен бірден 3-4 жылға алдын-ала келісімшартқа отырамыз. Сон-дықтан, жұмысшылардың да ешбір алаңсыз жұмыс істеуіне мүмкіндік бар. Жалақылары да 100 мың теңгеден кем емес. Бүгінде1 млрд. 741 млн. теңгенің инвестициялық жобасы дайындалды, — дейді Н.Омаров.
Кәсіпорын басшысы мәртебелі меймандарға зауыттың бұрынғы мен қазіргі жағдайын салыстырып, алдағы жоспарларымен де таныстырды. Әрине, сұранысқа қажетті ауыр тех-никаларды жасауда жұмысшылардың еңбегі зор екені көрініп-ақ тұр. Жұмысшылардың бірімен де тілдесіп, жасалып жатқан техникаларға көз жүгіртіп, тасы өрге домалаған зауыт-тың жұмысымен толық танысып шық-қан соң облыс әкімі кәсіпорын жұмы-сына оң бағасын берді.
Аймақ басшысымен бірге шаһар-дың тынысымен танысып шыққан ҚР Парламенті Сенатының депутаты Сергей Плотников БАҚ өкілдеріне сұхбат берді.
— Семейдегі атқарылып жатқан жұмыстарды көріп, көңіліміз бір мар-қайып қалды. Расымен де соңғы уақытта қалада біршама өзгерістердің орын алып жатқанын көріп отырмыз. Өздеріңіз көргендей, «Семей машина құрастыру зауыты» да қарқынды түр-де жұмыс жасап жатыр екен. Жалпы, қалада қай салаға болмасын жақсы көңіл бөлінуде. «Спартак» стадионы да жаңарған. Жақында ғана 100 жылдық мерейтойы аталып өткен ел фут-болының Отаны Семей болса, соған орай биылғы жылы «Спартак» футбол командасы да қалалықтардың үмітін ақтап, премьер лигаға жолдама алып отыр. Бүгінгі сапарымызда аяқдоп-шылардың жетістігімен құттықтап, оларға сәттілік тілеп, осы футбол клубының басшылығымен және жанкүйерлерімен жүздестік. Сол кезде Бердібек Мәшбекұлы аталмыш командаға жағдай жасалынатынын, облыстық бюджеттен қаржы бөлі-нетінін айтты. Демек, спортшылардың алдағы уақытта да қарымы мықты болады деген сөз, — деген Сергей Плотников Семейдегі жақсы жаңа-лықтардың куәсі болғанына қуанышты екенін жеткізді.
Суретті түсірген
Дархан АХМЕТОВ.
Техникалық қыс мезгіліне дайын
Семейдің көшелерін қар мен мұздан тазалайтын техникалар қазіргі уақытта 100 пайыз дайын. Бұл жайында ТКШ бөлімінің баспасөз хатшысы Жанна Шаймұратова хабарлады.
Жанна Шаймұратованың ақпараты бойынша, биылғы қыс мезгілінде жергілікті және алыс аудандарға бағытталған автокөлік жолдарын күтіп ұстауға 41 287,0 мың теңге қаржы бөлінген. Ал, қала ішіндегі жолдардың жалпы ұзындығы шамамен 240, 031 шақырымды құрайды.
Жол жөндеушілер 93 арнаулы техника бірлігімен жабдықталған. Оның 26-сы қар тазалайтын техника болса, 13-і автогрейдер, 14-і құм шашатын, 15-і жүк тиегіш, 36-ы жүкті өзі түсіретін техникалар, ал, 18-і құрал-сайманмен жабдықталған трактор мен 3-і бульдозер және басқа да техникалар.
— Әкімшілік полиция және төтенше жағдайлар басқармасының өкілдерімен бірігіп, жолдардың қызметіне арналған техникаларды комиссиялық тексеруден өткіздік. Тексеріс нәтижесінде техникалар 100 пайыз дайын болып шықты, — дейді Жанна Шаймұратова.
Мердігер ұйымдарда диспетчерлік қызмет жұмыс істейді. Мамандар 1740 текшеметр көлеміндегі инертті материалдармен де қамтамасыз етілген.
«СТ-ақпарат».
