Семей қаласы әкімдігінде өткен жиында қала ішіндегі коммерциялық жер телімдеріне жер пайдалану құқығын конкурс арқылы беру мәселесі талқыланды.
Қазақстан Республикасы Жер кодексінің 14-бабының 1-тармағының және 48-бабының негізінде сауда-саттық (конкурстар, аукциондар) жер учаскелерін немесе жер учаскелерін жалға беру құқығын сату бойынша мемлекеттік мүлік тізілімінің веб-порталында электронды түрде жүзеге асырылады.
Мемлекеттік мүлік тізілімінің веб-порталында жер учаскелерін немесе жер учаскелерін жалдау құқығын сату бойынша сауда-саттықты (конкурстарды, аукциондарды) электрондық түрде ұйымдастыру мен өткізу қағидалары Қазақстан Республикасы Ұлттық экономика министрінің 2015 жылғы 31 наурыздағы № 290 бұйрығымен және Қазақстан Республикасы Ауыл шаруашылығы министрінің 2021 жылғы 15 қазандағы № 297 бұйрығымен бекітілген.
Семей қаласының жер қатынастары бөлімі мемлекеттік мүлік тізілімінің веб-порталында 2021 жылдың 1 қаңтарынан бастап жер учаскелерін жалға беру құқығын сату бойынша 5 электрондық аукцион өткізілді. 5 аукционға 119 жер телімі қойылып, оның 76-сы сатылды. Бастапқы баға 16,4 млн теңге болса, бұл жер учаскелері 220,1 млн теңгеге сатылды.
Жерге орналастыру жобаларын өндіру бойынша конкурстарды ұйымдастыру үшін «Азаматтарға арналған үкімет» мемлекеттік корпорациясы» КеАҚ Семей қаласы бойынша филиалының ШҚО бойынша жер кадастры және жылжымайтын мүлік бөлімімен жалпы сомасы 5,4 млн теңгеге 4 келісімшарт жасалды. Жер телімдерін сату бойынша тендерлер өткізілді.
Жалдау құқығын сатудан түскен жалпы түсім бүгінгі күні 232,9 млн теңгені, ал жоспар 113,2 млн теңгені құрады. 2021 жылдың 10 желтоқсанында өткен аукционнан жыл соңына дейін тағы 9,0 миллион теңге түседі деп күтілуде.
2021 жылы ауыл шаруашылығы мақсатындағы жерлерді беру бойынша 8 конкурс өткізілді.
Бірінші конкурсқа ауыл шаруашылығы мақсатындағы 15 жер учаскесі шығарылды, жалпы ауданы — 17,8 мың гектар, конкурс нәтижелері бойынша агроқұрылымдарға 10 жер учаскесі берілді, жалпы ауданы — 11,0 мың гектар.
Екінші конкурсқа ауыл шаруашылығы мақсатындағы 16 жер учаскесі шығарылды, жалпы алаңы — 17,3 мың гектар, конкурс нәтижелері бойынша агроқұрылымдарға 12 жер учаскесі берілді, жалпы алаңы – 13,5 мың гектар.
Үшінші конкурсқа жалпы алаңы 2,3 мың гектар ауыл шаруашылығы мақсатындағы 4 жер учаскесі қойылды, конкурс нәтижелері бойынша шаруа қожалығына жалпы алаңы 0,7 мың гектар 1 жер учаскесі берілді.
Төртінші конкурсқа ауыл шаруашылығы мақсатындағы 16 жер учаскесі шығарылды, жалпы ауданы – 18,7 мың гектар, конкурс нәтижелері бойынша агроқұрылымдарға 14 жер учаскесі берілді, жалпы ауданы – 15,4 мың гектар.
Бесінші конкурсқа жалпы алаңы 1,3 мың гектар ауыл шаруашылығы мақсатындағы 2 жер учаскесі қойылды, конкурс нәтижелері бойынша жалпы алаңы 1,3 мың гектар 2 жер учаскесі агроқұрылымдарға берілді.
Алтыншы конкурсқа ауыл шаруашылығы мақсатындағы 15 жер учаскесі қойылды, жалпы ауданы – 32,5 мың гектар. конкурс нәтижелері бойынша 8 жер учаскесі агроқұрылымдарға берілді, жалпы ауданы – 7,0 мың гектар.
Жетінші конкурсқа жалпы ауданы 14,0 мың га ауыл шаруашылығы мақсатындағы 17 жер учаскесі қойылды, конкурс нәтижелері бойынша 14 жер учаскесі агроқұрылымдарға берілді, жалпы ауданы – 12,7 мың гектар.
Сегізінші конкурсқа жалпы ауданы 22,7 мың гектар ауыл шаруашылығы мақсатындағы 14 жер учаскесі шығарылды, конкурс нәтижелері бойынша жалпы ауданы 20,0 мың га 13 жер учаскесі агроқұрылымдарға берілді.
Конкурс қорытындысы бойынша жалпы ауданы 81,6 мың гектар ауыл шаруашылығы мақсатындағы 74 жер учаскесі агроқұрылымдарға берілді.
Веб-портал арқылы электрондық сауда-саттық сатушы мен әлеуетті сатып алушылардың байланысын толығымен болдырмауға мүмкіндік береді, бұл сыбайлас жемқорлық құқық бұзушылықтардың алдын алады, сауда-саттықтың қолжетімділігі мен ашықтығын қамтамасыз етеді және қатысушыларды кең ауқыммен тартуға мүмкіндік береді, соның арқасында бәсекелестік деңгейі артады.
Осы мәселені талқылау қорытындысы бойынша, Семей қаласының әкімі Бақытжан Байахметов келесі жылға жеке тұрғын үй құрылысы үшін 400-ге жуық жер телімін бөлуді қарастыруды тапсырды.
— Біз қалада тұрғын үй құрылысына сұраныстың жоғары екенін көріп отырмыз. Бұл учаскелердің инфрақұрылымы жүргізілген болуы тиіс. Электрмен, сумен жабдықтау және басқа коммуникация мәселелерін шешуге мұқият қарау керек. Бұл әсіресе қарқынды дамып келе жатқан Комсомол және Ұшақтар аудандарына қатысты, — деді Бақытжан Байахметов.
Айтолқын САМАТОВА,
«Семей таңы»
