ЖЫЛЫТУ МАУСЫМЫНА ДАЙЫНДЫҚ ТЕКСЕРІЛДІ
Қала әкімі Бақытжан Байахметов «Ғаббасов», «Орталық», «35 квартал» қазандықтарындағы жылыту маусымына дайындық барысы мен ыстық су беруге қатысты жұмыстарды тексерді.
«Ғаббасов» қазандығын 20 Гкал/сағ қосымша су жылыту қазандығын орната отырып, қайта жаңарту жоспарлануда. Шарт «Азияэнергопроектмонтаж» ЖШС мердігерлік ұйымымен (Алматы қаласы) 1 239,345 млн теңге сомаға жасалған. Құрылыс мерзімі 10 айға жоспарлануда. Кеңейту, қазандық агрегатын монтаждау, қосалқы жабдығы бар қап сүзгісін монтаждау сияқты жөндеу жұмыстары орындалатын болады.
«Теплокоммунэнерго» МКК өз қаражаты есебінен 530 мм құбыр желісіндегі диаметрі 300 мм-лік 2 ысырманы ауыстыру жұмыстарын жүргізуде.
Сондай-ақ 20 Гкал/сағ қосымша су жылыту қазандығын орнату арқылы «Орталық» қазандығын қайта құру жұмыстары басталады. Мердігер – «Азияэнергопроектмонтаж» ЖШС (Алматы қаласы). Шарт сомасы 1 734,141 млн теңгені құрайды. Қазандықты кеңейту, қосалқы жабдықтары бар сүзгіні орнату жұмыстары жоспарланған.
Ағымдағы жылы 20 Гкал су жылыту қазандығын орната отырып, «35 квартал» қазандығын (41,208 млн теңге) реконструкциялау» жобалық-сметалық құжаттамасы әзірленді. Мердігер мекеме – «Стройиндустрия» ЖШС. 2022 жылдың 22 сәуірінде ведомстводан тыс сараптама жүргізуге байқау жарияланды. Байқау осы жылдың 12 мамырында аяқталады.
2021 жылдың тамызында мердігерлік ұйымнан жобаны түзету қажеттілігі туралы хат келіп түсті. Құрылыс бөлімі жобалық-сметалық құжатты түзету жұмыстарын жүргізіп жатыр.
«Теплокоммунэнерго» МКК өз қаражаты есебінен 2,582 млн теңгеге жөндеу жұмыстарын жүргізетін болады.
— Өкінішке орай, жөндеу жұмыстары жүргізілгендіктен, қаладағы көп қабатты үйлерге ыстық су беруді уақытша тоқтатуға тура келді. Жылу желілерінің дайын болуына қарай біз алдағы уақытта ыстық сумен қамтамасыз ететін боламыз. Кейбір қолайсыздықтар туындағыны рас. Дегенмен біз сапалы жөндеу жұмыстарын жүргізгуіміз керек. Әйтпесе қыста жылуды да, ыстық суды да ала алмаймыз. Туындаған жағдайға біраз шыдамдылық танытуымыз қажет. Келтірілген қолайсыздықтар үшін кешірім сұраймыз. Мердігер ұйымдарға жылу беру маусымына дайындық жұмыстарын 15 тамызға дейін аяқтауды тапсырдым. Біз жоспарлаған жұмыс өз жемісін береді деген сенімдеміз, — деді Бақытжан Байахметов.
Индира АБЛАХАТҚЫЗЫ,
«Семей таңы»
