15 наурыз – Жайлау күні
Кең-байтақ даласын байлыққа балаған ата – бабаларымыздың жан дүниесі қашанда табиғатпен тығыз байланыста болған. Бұл мерекенің басты мақсаты да табиғатты аялауға шақыру.
Қоршаған ортаны тазалау, тал егу, мекемелерді қардан, қоқыстан тазарту — бұның бәрі жас ұрпақ үшін тәлім-тәрбие, олардың зияткерлік санасын дамытуға септігін тигізеді. Бұл күні адамдар реніштерін кешіріп, бірін-бірі қонаққа, серуенге, қыдыруға шақырады. Сондай-ақ елді мекен аумағын көркейту-көгалдандыру үшін жалпыхалықтық сенбіліктер өткізіледі. Ал қоршаған орта үшін тазалық қашанда бірінші орында тұрады. «Бір тал кессең, он тал ек», «Атаңнан мал қалғанша, тал қалсын» деген қанатты сөздерге қарап көшет отырғызудың, айналамызды көгалдандырудың қаншалықты маңызды екенін аңғаруға болады.
Бір-бірімізге кешірімді болайық! Табиғат — ананы аялайық!
Редакция
