Семейдегі Орталық саябақ кәсіпкерлерге берілуі керек. Яғни, бизнес өкілдерінің есебінен көркейтілуі тиіс. Бұл туралы Абай облысының әкімі Нұрлан Ұранхаев Семейдегі орталық саябақты аралау барысында айтты.
Мұндай тәжірибе Нұр-Сұлтан және Алматы қалаларында бұрыннан бар. Оның тиімділігі сол — саябақты күтіп ұстау бойынша бюджетке түсетін жүктеме азаяды. Ал кәсіпкерлер клиенттер тарту және өз бизнестерін өркендету үшін барлық қолайлы жағдайды жасайды.
Жалпы, қаланың коммуналдық қызметі үшін саябақ күтімі тым қымбатқа түседі әрі көп күш-жігер талап ететін жұмыс. Шаһарда олар айналысуы тиіс басқа да шаруалар жетерлік.
Айта кетерлігі, саябақтағы орындар бизнес өкілдеріне жекеменшікке беру құқығынсыз ұсынылатын болады.
Сондай-ақ оған кіру де тегін болмақ.
