Әкімдердің қабылдауына қалай тіркелсе болады?
Қазақстан Республикасының Әкімшілік рәсімдік-процестік кодексінің 90-бабының 1-ші тармағына сәйкес, мемлекеттік органдардың, жергілікті өзін-өзі басқару органдарының басшылары және олардың орынбасарлары тиісті мемлекеттік органның басшысы бекітетін қабылдау кестесіне сәйкес, айына кемінде бір рет азаматтарды және заңды тұлғалардың өкілдерін, оның ішінде осы органдардың қызметкерлерін жеке қабылдауды жүргізуге міндетті. «e-Otіnish» ақпараттық жүйесіне жазбаша өтініш тіркеліп, қабылдау күні хабарланатын болады.
Қазақстан Республикасының Әкімшілік рәсімдік-процестік кодексінің 63-бабының 2-ші тармағына сәйкес, жазбаша (қағаз және (немесе) электрондық) нысанда берілген жолданымда:
1) жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
2) жолданым берілетін әкімшілік органның, лауазымды адамның атауы;
3) жолданымның мәні;
4) жолданымның берілген күні;
5) арыз иесінің немесе оның өкілінің қолы;
6) Қазақстан Республикасының заңнамасында көзделген өзге де мәліметтер көрсетіледі.
«Дипломмен — ауылға» бағдарламасымен қандай әлеуметтік қолдау шаралары ұсынылады және қай сала мамандары оны ала алады?
Ауылдық елдi мекендерге жұмыс iстеуге және тұруға келген денсаулық сақтау, бiлiм беру, әлеуметтiк қамсыздандыру, мәдениет, спорт және агроөнеркәсіптік кешен саласындағы мамандарға, ауылдар, кенттер, ауылдық округтер әкімдері аппараттарының мемлекеттік қызметшілеріне көтерме жәрдемақы және тұрғын үй сатып алуға немесе салуға бюджеттік кредит түрінде он бес жылға дейінгі мерзiмге 0,01 % мөлшерiндегі жылдық сыйақы мөлшерлемесімен әлеуметтiк қолдау шаралары ұсынылады.
Әлеуметтік қолдау шараларын алу үшін көрсетілетін қызметті алушы электрондық цифрлық қолтаңбаның (ЭЦҚ) көмегімен немесе бір реттік парольмен куәландырылған порталда тіркеуді жүзеге асырады және көрсетілетін қызметті берушіге портал арқылы мынадай құжаттарды ұсынады:
- l) көтерме жәрдемақы алған кезде:
өтініш;
жеке басты куәландыратын құжат не цифрлық құжаттар сервисінен электрондық құжат (сәйкестендіру үшін);
білімі туралы диплом не цифрлық құжаттар сервисінен электрондық құжат (сәйкестендіру үшін);
көрсетілетін қызметті алушының еңбек қызметін растайтын құжаттың көшiрмесi;
2) тұрғын үй сатып алуға бюджеттік кредит алған кезде:
өтiнiш;
жеке басты куәландыратын құжат не цифрлық құжаттар сервисінен электрондық құжат (сәйкестендіру үшін);
білімі туралы диплом не цифрлық құжаттар сервисінен электрондық құжат (сәйкестендіру үшін);
көрсетілетін қызметті алушының еңбек қызметін растайтын құжаттың көшiрмесi;
неке қию (ерлі-зайыптылық) туралы куәлік не некеде тұрған көрсетілетін қызметті алушылар үшін цифрлық құжаттар сервисінен электрондық құжат (сәйкестендіру үшін);
Кредиттік бюродан есеп;
3) тұрғын үй салуға бюджеттік кредит алған кезде:
өтiнiш;
жеке басты куәландыратын құжат не цифрлық құжаттар сервисінен электрондық құжат (сәйкестендіру үшін);
білімі туралы диплом не цифрлық құжаттар сервисінен электрондық құжат (сәйкестендіру үшін);
көрсетілетін қызметті алушының еңбек қызметін растайтын құжаттың көшiрмесi;
неке қию (ерлі-зайыптылық) туралы куәлік не некеде тұрғаны көрсетілетін қызметті алушылар үшін цифрлық құжаттар сервисінен электрондық құжат (сәйкестендіру үшін);
Кредиттік бюродан есеп.
Көтерме жәрдемақы және тұрғын үй сатып алуға немесе салуға бюджеттік кредит алуға бір мезгілде өтініш беруге жол беріледі.
Жолдарды жөндеу неліктен қымбат болып келеді?
Жолдарды жөндеу қалаға да, бүкіл облысқа да да тән бірқатар себептер бойынша қымбат болуы мүмкін:
— Материалдардың сапасы мен құны. Жолдардың беріктігі мен қауіпсіздігін қамтамасыз ету үшін асфальт, бетон, геосинтетика және дренаж жүйелері сияқты жоғары сапалы материалдар қолданылады. Бұл материалдардың, әсіресе импортталған материалдардың құны айтарлықтай болуы мүмкін.
— Жұмыстың күрделілігі мен ауқымы. Жолдарды жөндеу тек жаңа жабынды төсеуді ғана емес, сонымен қатар негізді дайындауды, ескі асфальтты қазып алуды және шығаруды, жол жиектерін нығайтуды және дренаж жүйелерін орнатуды қамтиды. Бұл жұмыстар мамандандырылған техника мен білікті қызметкерлерді пайдалануды талап етеді.
— Техникалық және экологиялық талаптар. Жол қауіпсіздігі стандарттарын, экологиялық нормаларды және заттардың шығарындыларына қойылатын талаптарды сақтау жұмыстың құнын арттырады. Мысалы, тұрғын аудандарға жақын жолдарды жөндеу кезінде қоршаған ортаға және тұрғындардың денсаулығына әсерін ескеру қажет.
— Инфляция және энергия бағасының өсуі. Жанармай, электр энергиясы және басқа ресурстар бағасының өсуі жол жұмыстарының құнына тікелей әсер етеді. Сонымен қатар инфляция материалдар мен еңбек шығындарын арттырады.
— Жобалық және әкімшілік шығыстар. Жобалау-сметалық құжаттаманы әзірлеу, әр түрлі мемлекеттік органдармен келісу және жұмыстардың орындалу сапасын бақылау қосымша қаржылық салымдарды талап етеді.
— Маусымдық және климаттық жағдайлар. Өңірдегі суық қыс пен ыстық жазды қоса алғанда, климаттық жағдайлар жөндеу жұмыстарын жүргізу мерзімдерін шектеуі мүмкін, бұл техниканы неғұрлым қарқынды пайдалануды талап етеді және белгілі бір маусымдарда жұмыстардың құнын арттырады.
IT компаниялармен бірлескен жобаларды жүзеге асыруға болады ма?
Жергілікті басқарма IT саласындағы серіктестікті дамыту мақсатында түрлі компаниялармен кездесулер өткізіп, ұсыныстарды қарастырады. Бірлескен жобалар заңнама аясында қарастырылады. Ақпараттық-коммуникациялық технологиялар саласын дамытуды мемлекеттік қолдаудың негізгі қағидаттары:
1) ақпараттық-коммуникациялық технологиялар саласын жеке кәсіпкерлік және мемлекеттік-жекешелік әріптестік базасында дамыту;
2) ақпараттық-коммуникациялық технологияларды, ақпараттық жүйелерді әзірлеуге тапсырыстар алу кезіндегі отандық заңды тұлғалардың басымдығы;
3) отандық бағдарламалық қамтылым, бағдарламалық өнімдер өндірісін және техникалық құралдар өндірісін дамытуды ынталандыру;
4) ақпараттық-коммуникациялық технологиялар нарығының құрылымын дамыту;
5) ақпараттық-коммуникациялық технологиялар нарығында адал бәсекелестікті қолдау.
Шаруа қожалығын дамыту үшін қосымша ауыл шаруашылығы мақсатындағы жерді қалай алуға болады?
Уақытша өтеулі жер пайдалану (жалға алу) құқығы шаруа немесе фермер қожалығын, ауыл шаруашылығы өндірісін жүргізу үшін конкурс арқылы беріледі. Шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсты ұйымдастыру мен өткізу қағидаларын бекіту туралы Қазақстан Республикасы Премьер-Министрінің орынбасары – Қазақстан Республикасы Ауыл шаруашылығы министрінің 2018 жылғы 20 желтоқсандағы № 518 бұйрығының 7-тармағының 3 тармақшасына сәйкес, конкурсты өткізу туралы хабарламаны тиісті әкімшілік-аумақтық бірлік аумағында таралатын мерзімді баспа басылымдарында, сондай-ақ өз интернет-ресурсында міндетті түрде жарияланады (аудан әкімінің ресми сайтында).
Конкурсқа қатысу үшін мынадай құжаттар беріледі:
1) конкурсқа қатысуға арналған өтінім;
2) конкурстық ұсыныс.
Баланы мектепке қалай қабылдайды?
Мектепке қабылдау үшін келесі құжаттар қажет:
Порталға:
1) «Бастауыш, негізгі орта, жалпы орта білім берудің жалпы білім беретін бағдарламалары бойынша оқыту үшін ведомстволық бағыныстылығына қарамастан білім беру ұйымдарына құжаттарды қабылдау және оқуға қабылдау» мемлекеттік қызметін көрсетуге қойылатын негізгі талаптардың тізбесіне сәйкес нысан бойынша ата-аналардың немесе басқа заңды өкілдердің өтініші;
2) «Денсаулық сақтау саласындағы есепке алу құжаттамасының нысандарын, сондай-ақ оларды толтыру жөніндегі нұсқаулықтарды бекіту туралы» Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен (Нормативтік құқықтық актілерді мемлекеттік тіркеу тізілімінде № 21579 болып тіркелген) бекітілген «Профилактикалық екпелер картасы» № 065/у нысанды және «Бала денсаулығының паспорты» № 052-2/у нысанды медициналық анықтамалар;
3) Баланың 3х4 см өлшеміндегі цифрлық фотосуретi.
— көрсетілетін қызметті берушіге (қағаз түрінде):
1) «Бастауыш, негізгі орта, жалпы орта білім берудің жалпы білім беретін бағдарламалары бойынша оқыту үшін ведомстволық бағыныстылығына қарамастан білім беру ұйымдарына құжаттарды қабылдау және оқуға қабылдау» мемлекеттік қызметін көрсетуге қойылатын негізгі талаптардың тізбесіне сәйкес нысан бойынша ата-аналардың немесе басқа заңды өкілдердің өтініші;
2) жеке басын растайтын құжат (түпнұсқасы сәйкестендіру үшін қажет, ол көрсетілетін қызметті алушыға қайтарылады) немесе цифрлық құжаттар сервисінен алынған электрондық құжат;
3) «Денсаулық сақтау саласындағы есепке алу құжаттамасының нысандарын, сондай-ақ оларды толтыру жөніндегі нұсқаулықтарды бекіту туралы» Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен (Нормативтік құқықтық актілерді мемлекеттік тіркеу тізілімінде № 21579 болып тіркелген) бекітілген «Профилактикалық екпелер картасы» № 065/у нысанды және «Бала денсаулығының паспорт» № 052-2/у нысанды медициналық анықтамалар;
4) баланың 3х4 см өлшеміндегі 2 дана фотосуретi.
Тиiстi мемлекеттiк органдар шектеу iс-шараларын жүзеге асырған, төтенше жағдай енгiзілген, белгiлi бiр аумақта әлеуметтiк, табиғи және техногендiк сипаттағы төтенше жағдайлар туындаған жағдайларда шектеу шараларын алып тастау, төтенше жағдайды тоқтату шаралары қабылданға дейін № 065/у және № 052-2/у нысанындағы медициналық анықтамаларды осы аумақтағы көрсетілетін қызметті алушылар тікелей білім беру ұйымына қажеттілігіне қарай береді.
