AMANAT партиясының Шығыс Қазақстан облыстық филиалы жанындағы «TALQYLAU» қоғамдық диалог алаңының алғашқы отырысы өтті.
Семей қаласындағы AMANAT партиясының қалалық филиалында «Жастар және жұмыссыздық» тақырыбында өткен шараға өңірдегі азаматтық қоғам белсенділері мен депуттатар, сала мамандары қатысты.
Айта кетерлігі, «TALQYLAU» қоғамдық диалог алаңы Шығыс Қазақстанда алғаш рет өткізіліп отыр. Қоғамдағы түйткілді мәселелерді қозғап, оның шешілуіне ықпал етуді мақсат еткен жиында қатысушылар жастар мәселелеріне қатысты ойларын ашық айтып, шешу жолдарын талқылады.
Шараны жүргізген облыстық AMANAT партиясы жанындағы жастар қанатының ШҚО филиалының төрағасы Алмас Айтмұқаш та қоғалған тақырыпқа қатысты ойын ортаға салып отырды.
— Жиынның мақсаты — өзекті мәселелерді қоғамдық талқылауға салып, шешу жолдарын бірлесе қарастыру. Біз бұл бағыттағы жұмысты алдағы уақытта да жалғастыратын боламыз. «TALQYLAU» қоғамдық диалог алаңында қоғамдағы өзгед е өзекті тақырыптарға байланысты пікір алмасулар болады,- деді модератор.
Өңірдегі қоғам белсенділерінің ойы мен пікірі бір арнада тоғысқан келелі кездесуде жастардың бәсекелестікке қабілеттілігі сөз болды, сонымен қатар олардың мамандық таңдаудағы немқұрайлылығы жайлы да айтылды. Сондай-ақ оларға қатысты идеологиялық жұмыстардың кемшін тұстары сараланды. Жастардың сапалы білім алуы мен тұрақты жұмысқа орналасудағы кедергілер де әңгіме өзегіне айналды.
«Өңірімізде алғаш рет өткізіліп отырған «TALQYLAU» қоғамдық диалог алаңында жастар мәселесі көтерілді. Мұндай алаңдарда қоғамдағы өзекті мәселелердің ортаға салынып, талқылануы — өте дұрыс бастама. Диалог алаңында біз кез келген түйткілді мәселелерді талқылап қана қоймай, шешу жолдарын да бірлесе іздейтін боламыз. Бүгінгі отырыста қатысушылар тарапынан және тікелей эфир арқылы желі қолданушылардан да көптеген сұрақтар келіп түсті. Азаматтардың сұрақтарына барынша жауап беруге тырыстық,- дейді ШҚО мәслихатының депутаты Айбек Нұғымаров.
«TALQYLAU» қоғамдық диалог алаңының отырысы партияның облыстық филиалының әлеуметтік желілеріндегі ресми парақшаларында тікелей эфир арқылы таратылды.
«СТ» — ақпарат
