Авторизация



Кто на сайте

Сейчас 77 гостей онлайн
ОФИЦИАЛЬНЫЙ WEB-САЙТ АКИМА ГОРОДА СЕМЕЙ
  • «Жасыл Ел» кубогіне арналған шағын футболдан жарыс өткізілді

    Елімізде қоршаған ортаны қорғау бағытында, республикада экологиялық тұрақтылық пен экологиялық жағдайларды жақсарту мақсатында құрылған «Жасыл ел» бағдарламасына биыл 13 жыл толып отыр. Жылдағы дәстүр бойынша Семейде «Жасыл Ел» бағдарламасының туған күні мерекесіне орай мемлекеттік мекемелер, кәсіпорындар және қала жастар ұйымдары арасында шағын футболдан жарыс ұйымдастырылды.

  • Тұрғын үйді біреудің бөтен учаскесінде салған

    Семей қалалық сотымен өз бетімен салынған құрылысты бұзу туралы азаматтық іс қаралған. Талапкер сотқа талап арызбен жүгіне келе, жауапкер оның кафе мен дүкеннің құрылысына және қызмет көрсетуіне белгіленген жер учаскесінде рұқсат берілген құжаттарынсыз тұрғын үйді салуды бастағанын көрсеткен. Жауапкерге бірнеше рет жүгінгенімен ешбір нәтижесі болмады.

  • «Қанқыз жасау» тақырыбында шеберлік сағаты өткізілді

    21 ақпанда 2018 жылы «Арнаулы әлеуметтік қызметтер көрсету орталығы» КММ-де тәрбиеші Г. Т. Маныбаеваның ұйымдастыруымен түрлі түсті қағаздан жапсыру әдісін қолдану арқылы «Қанқыз жасау» тақырыбында шеберлік сағаты өткізілді. Орталық қызметкерлеріне арнайы дайындалған слайд көрсетілді. Жапсыру әдісінің әр түріне тоқталып, көптеген ақпарат берілді.

Яндекс.Новости: Казахстан

Курсы валют: курс доллара, курс евро

Купи-Продай

Случайная новость

Разъяснены основные направления

Информационно-пропагандистские группы проводят  встречи с населением с целью пропаганды и информирования по Посланию Президента народу «Казахстан в глобальной реальности: рост, реформы, развитие». Очередная встреча прошла с коллективом консультативно-диагностического центра г. Семей.

Выступая по основным направлениям Послания, член ИПГ, преподаватель финансово-экономического колледжа имени Р. Байсеитова Артур Искаков остановился на международной экономической обстановке, ее влиянии на экономические показатели Казахстана, а также на антикризисном плане, предложенном главой государства для успешного преодоления кризиса.

- Предложенное в Послании главы государства  «Казахстан в глобальной реальности: рост, реформы, развитие» - единственно верный ответ сегодняшнему положению в мировом сообществе, в котором учтены все сферы деятельности, - отметил он.

Подробнее ...

Случайная новость

ҚУАНЫҢЫЗ, ЖАЗДА ЫСТЫҚ СУ БОЛАДЫ

Қаңтарда қыспаққа алған өткендегі аязды ешкім ұмыта қойған жоқ шығар, сірә. Апта бойы әбігерге салған аяз да артта қалды, қазір күннің райы қалыпты. «Теплокоммунэнерго» мемлекеттік коммуналдық кәсіпорны қызметкерлерінің айтуынша, абырой болғанда, Семей қаласы сарышұнақ аязды апатсыз, ешқандай төтенше жағдайсыз өткізіпті. Бұл күндері қаладағы жылу орталықтары штаттық режімде жұмыс істепті. Бұл жайында өткен бейсенбі күні Семей қалалық әкімдігінде өткен баспасөз мәслихатында айтылды.

Баспасөз мәслихатына қала әкімінің орынбасары Надежда Шарова, тұрғын үй инспекциясының басшысы Светлана Заурбекова, «Теплокоммунэнерго» МКК директоры Нұржан Зеинуллин және аталмыш кәсіпорынның жылу беру инспекцияларының жетекшілері қатысты.

- Штаттық режімде жұмыс істеудеміз және барлық жылу қазандықтары жұмыс істеп тұр. Өткендегі аязды апатсыз өткердік,- деді Нұржан Асанұлы.

Жалпы, қала бойынша жылу үздіксіз берілгенімен, «тоңдық» деп дабыл қаққан тұрғындар болыпты. Шәкәрім көшесіндегі 38-ші үй тұрғындары жылуға қатысты, Засядько, 58 мекенжайындағы семейліктер ыстық су мәселесі бойынша шағым жасаған.

- Шәкәрім көшесіндегі үйге байланысты айтар болсақ, ол үйдің жылу жүйесі бұзылған. Онда көптеген тәртіп бұзушылықтар орын алған. 1-шіқабаттардағы шағын кәсіпкерлік нысандар жертөледен тікелей өз жүйелерін тартып алған. Ол гидравликалық режімнің бұзылуына әкеліп соқты. Сонымен бірге ПИК-тің рұқсатынсыз тұрғындардың жылу құбырларын пластикке ауыстыруы (бұрынғымен салыстырғанда құбырлардың диаметрі өзгеріске ұшырап, айналым жүйесіне әсер еткен) мәселені қиындатқан,- деп түсіндірген «Теплокоммунэнерго» КММ жылу инспекциясының басшысы Жұман Мусин мәселе жылу беру жүйесінен емес, тұрғындардың осындай әрекеттерінен орын алғанын атап өтті.

Құбырларды ауыстырумен қоса, жылу батареяларының секциясын көбейтіп, тіпті жылы еден тартып алған тұрғындар да бар екен. Жылу мекемесінің басшылығы мұндай жағдайға барғандарды жауапкершілік күтіп тұрғанын айтады.

Ал Засядько көшесіндегі 58-ші үйге берілетін ыстық суды жылу берушілер амалсыздан тоқтатқан.

- Күзден бері 20 шақты рет ыстық судың екпіні шамадан тыс қатайды. Сондықтан сапалы жылу беру үшін ыстық суды тоқтатуға мәжбүр болдық. Құбырлар жөнделген соң, жаз маусымында берілетін болады,- деген Нұржан Зеинуллин ағымдағы жылы қаланың бірқатар аудандарында жылу құбырлары жөнделіп, ыстық су берілетіні жайлы жағымды жаңалықпен бөлісті.

- Ағымдағы жылы жазда қаланың 80 пайызы ыстық сумен қамтылатын болады. Яғни, сол жағалау толықтай, оң жағалауда қаланың орталығы, 35-ші, 72-ші ықшам аудандардағы көп қабатты тұрғын үйлер ыстық сумен қамтылады. Қарағайлы ықшам ауданын қайта құру жобаларына және РК-3 жылу қазандығының қуатын арттыру жұмыстарына байланысты Затон ауданына (1-ші ықшам аудан) биыл емес, келер жылы ыстық су берілетін болады.

Сонымен қатар ыстық суды қабылдай алмайтын үйлер де бар. Бұл қатарда Шығыс кенті аталды.

Силикат кентіндегі жаңа үй аязда қатып қалды деген ақпарат тараған болатын. «Теплокоммунэнерго» МКК директоры ол үйді жылыту Силикат зауытының құзырында екенін және бұл мәселеге орай жауап бере алмайтынын айтты.

Баспасөз мәслихатында жылу мекемесінің алдындағы тұрғындардың қарызы жайлы да мәселе қозғалды.

- Абоненттердің дебиторлық қарызы 340 млн. теңгені құрайды. Оның ішінде 275 млн. теңгесі қарапайым тұрғындардың берешегі болса, 50 млн. теңгесі заңды тұлғаларға тиесілі. Өткен жылдармен салыстырғанда жағдай біршама жақсарды. Заңды тұлғалар өтемақы төлейді. Мәселе қарапайым халықта. Үш жылдан бері берешектерін өтеуден жалтарып жүрген абоненттер бар. Олармен жұмыс арнайы құрылған штаб, рейд және сот орындаушылары арқылы жүргізілуде,- деп атап өткен Нұржан Асанұлы жылыту маусымының соңына дейін көмір қоры жеткілікті екенін де еске салды.

Жиын қорытындысында «Теплокоммунэнерго» басшылығы әрбір үй жылыту маусымына дайындық кезінде ПИК арқылы тыңғылықты әзірленіп, құбырларды жуып-шаю жұмыстарын ретімен жүргізсе, сапалы жылу алатынын баса айтты.

Әйгерім СӘРСЕНҒАЛИ, «Семей таңы»

Home

Последние новости

Самое популярное