Абай облысының әкімі Нұрлан Уранхаев бүгін жұмыс күнін облыс орталығы Семей қаласының қыс маусымына дайындығымен танысудан бастады.Семейдегі мелкомбинат аумағындағы тұрғындар жылу мәселесіне байланысты өтініштерін жеткізді.
Олардың қатарында ЖЭО мен РК-1 бар. «Теплокоммунэнергода» айтылғандай, мемлекет тарапынан тұрақты қолдау көрсетілсе де кәсіпорында белгілі бір қиындықтар бар. Негізгі себеп – кредиторлық қарыз.
Ал, алдағы жылыту маусымына дайындық жұмыстары басталып кетті. ЖЭО-ны қалпына келтіруге және ағымдағы жөндеуге 3 миллиард теңгеден астам, сондай-ақ екі қазандықты қалпына келтіруге шамамен 2,2 миллион теңге бөлінді. Тағы төрт жылу көзіне жөндеу жұмыстары жүргізіледі, ал кәсіпорын өз есебінен жылу көздерін және жылу желілерін жөндеу үшін жабдықтар мен материалдар сатып алады.
РК-1-ге барғанда облыс әкіміне турбинаның жақын арада іске қосылатыны айтылды. Ол әзірге резервте тұр. Облыс әкімі бірқатар жылу көздерін аралап, туындаған мәселелерді ерекше бақылауға алуға уәде берді. 2022-2023 жылғы жылу беру маусымына дайындық жұмыстарын сапалы жүргізуді тапсырды.
фото: Ерлан Айқынұлы
Semeytany.kz
ABAI AIMAQ MEDIA
